Sawal la giled’a 54 - Bible azumeina

Sama a djobom vunama nga mi yAlona

¹ Ni sawal la gile d’a David mi hlat kadingâ mi hat mi ma ngolâ hi suma hle sawalina.

² Mi hlat ni kid’a suma Zif-fâ a mba de mi Saul ala David mi ngei nga adigaziya d’a.

³ Alo mana, yam simiyêngû, ang sud’unu, ang kan sariya manda kad’eng manga.

⁴ Alo mana, ang hum tchen manda, ang tin humang á hum zla d’a ndavunanda,

⁵ kayam angoyogeina a tchol á dur ayîna ki sed’enu, suma asa’atna a min á tchan ndeyo, kayam azi nga djib’er kang ang Alona d’i. Tchol ndjö

⁶ Wani Alo mana, ang nga ndjununu; Ma didina, ang nga siran ngingring mi.

⁷ Ar tchod’a hulong yam man suma djangûna; yam gagazi manga, ang duguzi vunaziya.

⁸ An nga ni hang vama ngat buzuna ki hur ma djivina, an nga ni gileng simiyêngû, kayam angî ma djivina.

⁹ Ang prud’un ndei kur ndak ka lara ge pet, kayam an we man suma djangûna a puk kä avoronu.