Sawal la giled’a 3 - Bible azumeina

Suma djangûna a ngui David

¹ Ni sawal la David mi hlat ata yima mi ring ngei abo goroma Apsalom-ma.

² Ma didina, man suma djangûna nablaud’a; suma ablaud’a a kak djangûna ki sed’enu;

³ suma ablaud’a a nga de kan ala: Alona mi dok ndjunum mbuo d’a. Tchol ndjö

⁴ Wani ang Ma didina, angî mbarei man nda ngomonda, angî subur manda, angî ma hlan yan akulona.

⁵ An nga ni yi Ma didina ki delen akulo, mam nga mi humun yam ahina mam mba mi tinit irat vata. Tchol ndjö

⁶ An bur kä andjege, an bur sena; an zlit akulo, kayam Ma didina ni ma ngomona.

⁷ An nga ni le mandara suma bubup suma a nguyun ata yima lara ge petna d’i.

⁸ Ma didina, ang mbeya! Alo mana, ang sud’unu! Angî ma tum agohl man suma djangûna petna, angî ma kus sï suma asa’atna woina.

⁹ Ma didina, angî ma sut suma, ar ang b’e vunang yam sum mangâ! Tchol ndjö