Sawal la giled’a 23 - Bible azumeina

Ma didina ni ma polona

¹ Ni sawal la David mi hlata. Ma didina ni ma polona; va mba kid’agan ndi.

² Nga mi tinin ata hat ma nguloma, nga mi tinin avun mbiyo ma d’igil ma hirwilingâ.

³ Nga mi djan tan ndeyo, nga mi tinin kur lovot ta d’ingêra yam simiyêmu.

⁴ Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

⁵ Ang nga minin te mana kä avoron ir man suma djangûna. Ang b’e vunang kanu; angot man nda tche mbina ti oî nga d’i sulul kä woyo.

⁶ Gagazi, djivi manga ki we hohou manga a mba tit blogon burâ ki burâ. Ma didina, an mba ni kak kur gong mang nga kud’ora gak mat mana.