Sawal la giled’a 20 - Bible azumeina

Suma a nga tchen yam amulâ

¹ Ni sawal la David mi hlat mi hat mi ma ngolâ hi suma hle sawalina.

² Amul mamina, ar Ma didina mi humung kur bur ma ang nga kur ndakina, ar Alona hi Jakob-ma mi ngomongû.

³ Ei kur gong mam mba kud’ora dei mi ndjunungû, ei kur Siyon dei mi djiging akulo mi.

⁴ Ar mi djib’er yam he d’a hawa manga pet, ar mi ve vama ngat buzu ma ngala abong mi. Tchol ndjö

⁵ Ar mi hang vama hurung minima, mi ndagang vun nga hur mangâ pet mi.

⁶ Ami mba ayâmi yam sut manga, ami mba hlami bangâna ki simiyê Alo meina; Ma didina mba mi hang ahle suma ang tchenem kazina pet mi.

⁷ Ki tchetchemba, an we Ma didina nga mi sut ma mam manam tinim amulina, nga mi humumï kur gong mam mba sä akulod’a, nga mi ndjunum kabom ma ndjuf ma sib’ika mi.

⁸ Suma dingâ a tin huruzi ni yam pus mazi ma dur ayîna, suma dingâ a tin huruzi ni yam akulumei mazina, wani ei tini huri ni yam Ma didina Alo meina.

⁹ Sum ndazina a mba hiram tak a puk kä, wani eya, ei mba arei tchola akulo ngingring.

¹⁰ Ma didina, ang sut amulâ! Ar mi humumi ata yima ami nga yuma!