Sawal la giled’a 15 - Bible azumeina

Vama Alona mi djobom ata mam suma d’engzengîna

¹ Ni sawal la David mi hlata. Ma didina, ni nge ba, mi ndak á kal kur gong manga ge? Ni nge ba, mi ndak á kak yam ahina mang nga ang tinit irat vata ge?

² Ni sama tit tit ta iratina, ni sama le sun nda d’ingêrina, ni sama nga mi de zla d’a gagazi d’a kurumba woina mi.

³ Ni sama nga mi de zla d’a kad’a d’uo na, ni sama nga mi le ndram tcho d’uo na, ni sama nga mi ngul ndram ma azina d’uo na mi.

⁴ Ni sama nga mi noî sama Alona mi golom isâ woina, wani mi suburî suma a nga le mandara Alonina. Vama mam gun tam kama, le mba ni vama tchona kam pî, nga mi tin vunam kam mbi.

⁵ Ni sama nga mi he bege mamba á mbina d’uo na, ni sama nga mi ve beged’a abo sa á b’lak sariyad’a hi sama d’ingêrîd’a woi d’uo na. Sama nga mi le hina na, mba mi puk kä d’i.