Sawal la giled’a 149 - Bible azumeina

Subura hi suma d’engzengîd’a

¹ Agi gilegi Ma didina! Agi gilegi Ma didina ki sawal la awilid’a, agi hlagi sawala á gilegizi kur toka hi suma d’engzengîd’a.

² Ar Israel mi le furîd’a yam Alo ma mi luma, ar suma kur Siyon-na a le hur ma hapma yam amul mazina.

³ Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

⁴ kayam Ma didina tam nga d’i lum djivid’a yam sum mama, nga mi sut suma lulumana á suburuziya.

⁵ Ar suma d’engzengâ a suburumu, ar azi le furîd’a gak yam azang mazina.

⁶ Ar azi gile Alona teteu ki vunaziya, ar mbigeu d’a fiyak ka siyat mbàd’a ved’a abozi

⁷ á sä atchuguluzi kandjaf suma dingâ, á ngop andjaf suma dingâ,

⁸ á djin amulei mazina ki kindjingâ, á ge mazi suma nglona alei ma kaweina asezi

⁹ á kazi sariya d’a a b’irit nga kur mbaktumbid’a kaziya. Wana ni subura hi mam suma d’engzengîd’a pet. Agi gilegi Ma didina!