Sawal la giled’a 142 - Bible azumeina

Tchenda hi sama a nga djobom vunama

¹ Ni sawal la David mi hlata. Ni tchen nda mam nga mi tchenet kid’a mam nga kur zul la ahinad’id’a.

² Ma didina, an nga ni yang ki delen akulo; Ma didina, an nga ni tchenengû.

³ An mba ki zla manda avorongû, an tining ndak manda kä avorong mi.

⁴ Ata yima djib’er manda nga ata yat tuo na, ang nga we lovot manda. Lovot ta an nga ni tit kuad’a, a gun nga dauna kä avoronu.

⁵ Ang gol irang ata abon ma ndjufâ, ang wala sama wana nga d’i, yima an ngei tan kuana nga d’i, sama djib’er kana nga d’uo mi.

⁶ Ma didina, an nga ni yangî angû, an nga ni dala: Angî yi man ma ngeid’a, angî b’rau manda aduk suma a nga ki irazi yam andagad’ina.

⁷ Ang kak tchugot ang hum yi d’a an nga ni yanga, kayam an nga kur hohoud’a ngola. Ang prud’un ndei abo suma a nga digina, kayam azi ad’enga kalanu.

⁸ Ang pad’an ndei kur dangei mana, kayam an gileng simiyêngû. Ata yima ang lan djivid’ina, suma d’ingêrâ a mba nguyunu.