Sawal la giled’a 138 - Bible azumeina

An nga ni gileng ki hurun pet

¹ Ni sawal la David mi hlata. Ma didina, an nga ni gileng ki hurun pet, an nga ni gileng ki sawala avok malaikana.

² An nga ni grif kä kur gong mang nga kud’ora, an nga ni gileng simiyêng yam o mang nga didinda ki gagazi manga, yam vun mang ma hled’a ki simiyêng ma suma a nga yuma a kal ahlena pet akulo.

³ Kur bur ma an yangâ, ang humunu, ang siranu, ang han ad’enga atan mi.

⁴ Ma didina, fata suma yam andagad’ina pet a hum zla d’a ndeï avunangid’a, a mba gilengû.

⁵ A mba gilengî yam gat manga, kayam subur manga ti kal ngola.

⁶ Ma didina, ang sä akulo dei, ang nga gol suma lulumana, ang nga golï suma yam mba ad’enga ei akulo dei mi.

⁷ Le an i avok kur ndaka ni, ang nga ndjununu, ang nga ngop man suma djangûna kur ayî mazina, ang nga mad’ï abong ma ndjufâ á sud’unu.

⁸ Ma didina, ang mba lahle suma djivina yam anu; Ma didina, o manga nga d’i dap pi, ang ar sun nda ang lat kabonga woi d’i.