Sawal la giled’a 136 - Bible azumeina

Agi suburugi Ma suta hi Israel-lîna

¹ Agi gilegi Ma didina, kayam mam mi ma djivina. O mamba nga d’i dap pi.

² Agi gilegi Alona halonina, kayam o mamba nga d’i dap pi.

³ Agi gilegi Salad’a hi suliyod’ina, kayam o mamba nga d’i dap pi.

⁴ Mam tu ni sama lahle suma nglo suma ndandalîna, kayam o mamba nga d’i dap pi.

⁵ Mam mi ma lakulod’a ki d’al mamina, kayam o mamba nga d’i dap pi.

⁶ Mam mi ma tin andagad’a akulo yam mbinina, kayam o mamba nga d’i dap pi.

⁷ Mam mi ma lahle suma nglo suma b’o yinina, kayam o mamba nga d’i dap pi.

⁸ Mi lafata á te yam faleid’a, kayam o mamba nga d’i dap pi.

⁹ Mi le tilâ ki tchitchiud’a á te yam andjeged’a, kayam o mamba nga d’i dap pi.

¹⁰ Mam mi ma tchi Ezipte-na grozi suma a vud’uzi avo’â woina, kayam o mamba nga d’i dap pi.

¹¹ Ni ma buzugï Israel-lâ woi aduk Ezipte-nina, kayam o mamba nga d’i dap pi.

¹² Kabom ma ad’engâ ki bigam mba zid’a kam akulo zid’a mi sud’uzi woyo, kayam o mamba nga d’i dap pi.

¹³ Ni ma wal alum ma ngol ma Tchereuna woina, kayam o mamba nga d’i dap pi.

¹⁴ Ni ma buzuk Israel-lâ woi adigama, kayam o mamba nga d’i dap pi.

¹⁵ Ni ma zirik Faron azi ki azigar mama kä aduk alum ma ngol ma Tchereunina, kayam o mamba nga d’i dap pi.

¹⁶ Ni ma buzuk sum mama woi abagei hur fulîna, kayam o mamba nga d’i dap pi.

¹⁷ Ni ma tchi amulei suma nglona woina, kayam o mamba nga d’i dap pi.

¹⁸ Ni ma tchi amulei suma subura woina, kayam o mamba nga d’i dap pi.

¹⁹ Mi tchi Sihon amul ma Amor-râ woyo, kayam o mamba nga d’i dap pi.

²⁰ Mi tchi Ok amul ma Basan-na woyo, kayam o mamba nga d’i dap pi.

²¹ Mi handaga mazid’a woi djona, kayam o mamba nga d’i dap pi.

²² Mi hat mazungeî mama Israel-lâ, kayam o mamba nga d’i dap pi.

²³ Ni ma djib’er kei ata yima ei kur hohoud’ina, kayam o mamba nga d’i dap pi.

²⁴ Ni ma prud’i woi abo suma a nga djobei vuneina, kayam o mamba nga d’i dap pi.

²⁵ Ni ma nga mi he tena mahlena petna, kayam o mamba nga d’i dap pi.

²⁶ Agi gilegi Alo ma sä akulona, kayam o mamba nga d’i dap pi.