Sawal la giled’a 130 - Bible azumeina

Tchenda hi sama kur ndakina

¹ Ni sawal la suma a djak Jerusalem á lü vun tilîna a hlata. Ma didina, kur zul la yiyaka hi ndak man nda ngolid’a, an nga ni yangû.

² Ma didina, ang humun delenu! Ang tin humang djivid’a á hum tchen manda!

³ Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?

⁴ Wani angî ma vat hurung ngei yam sumina. Ni kayam ndata ba, ami nga hungû.

⁵ An nga ni tin hurun yam Ma didina ki tan pet, an nga ni djup mi zla mam mba ded’a.

⁶ An tin hurun yam Salad’a kal azigar ma ndjol ma mi djup yima fod’ina, gagazi, kal azigar ma ndjol ma mi djup yima fod’ina.

⁷ Agi Israel-lâ, agi tinigi hurugi yam Ma didina, kayam mam mi sama djivina; ni ma sut suma woi kur ndakina.

⁸ Mam mi ma mba mi sud’ugi woi kur tcho magi d’a lara ge petna.