Sawal la giled’a 129 - Bible azumeina

Zla d’a ded’a hi sama nga djobom vunama

¹ Ni sawal la suma a djak Jerusalem á lü vun tilîna a hlata. Ar Israel-lâ a dala: Kazongôn dei man suma djangûna a lan ndaka burâ ki burâ.

² Kazongôn dei man suma djangûna a lan ndaka burâ ki burâ. Hina pet pî, azi kus nga kan ndi.

³ Azi b’azan huyogon d’igi sana mi b’as lovot ta zuma na.

⁴ Ma didina ni ma d’ingêrâ, mi tchal ziyo ma suma asa’atna a djinin ki na woyo.

⁵ Ar suma a noî Siyon-na pet a mbut zulona, a hulong kazigaziya,

⁶ Ar azi mbut ni d’igi asu ma yam gong nga dudura ma mi so woi bei a gat kam á pad’am mbei ba na na.

⁷ Sama mi zuma nga mi oyôm abom mbi, sama mi djinima nga mi oyôm bigam mbuo mi.

⁸ Ar suma a kal tita kazina a dala: Ar Ma didina mi b’e vunam kagiya d’i, d’oze, Ami tamid’a b’ami vunami kagi ki simiyê Ma didina d’a d’uo mi.