Sawal la giled’a 128 - Bible azumeina

Ma le furîd’ina ni ma le mandara Ma didinina

¹ Ni sawal la suma a djak Jerusalem á lü vun tilîna a hlata. Sama ring mandara Ma didina ma tit kur lovot mamba mi na, mi le furîd’a.

² Ang mba fe mbina yam sun nda ang lat kabonga, ang mba le furîd’a, ang mba i avogovok mi.

³ Amanga mba d’i ka’î d’igi agu guguzlu d’a vuta na avo hur aziyangû, grongâ a mba ngui kaka kä geveng avun tabul mangâ ni d’igi gro agu olifâ na mi.

⁴ Ni hina ba, Ma didina nga mi b’e vunam yam sama mi ringîm mandarama.

⁵ Ni ei kur Siyon dei ba, Ma didina mba mi b’e vunam kangû; ang mba we furîd’a hi Jerusalem-mba kur burâ pet ata yima ang nga kaka ki ir irangâ,

⁶ ang mba we grongâ grozina mi. Ar ang mba ki b’leng nga halasa yam Israel-lâ.