Sawal la giled’a 126 - Bible azumeina

Sawal la yam hulonga hi Israel-lîd’a

¹ Ni sawal la suma a djak Jerusalem á lü vun tilîna a hlata. Kid’a Ma didina mi hulongî mam suma a yozi magombina avo Siyon-nda, ami djib’eremi ni d’igi adïd’a dami ni ndat na!

² Ata yi máma siyami nga ngad’a woi ki sanda hina ges, ami nga hlami sawal la bangâna ki furîd’a mi. Andjaf suma pet a nga dala: Ma didina mi lahle suma ndandalâ ki sed’eziya!

³ Ma didina mi lahle suma ndandalâ ki sed’eya! Ei nga kur furîd’a!

⁴ Ma didina, ar ang hulongî ki mami suma a yozi magombina d’igi mbiyo ma mi djang abo ma sutnina na.

⁵ Suma a nga zar ki simina irazina, a mba ze ki sawal la furîd’a.

⁶ Sama nga mi i zar awuna ki tchinina, mba mi hulongî ki furîd’a, kawu ma mbugulud’a kam avo mi.