Sawal la giled’a 125 - Bible azumeina

Suma a deng tazi ata Ma didinina

¹ Ni sawal la suma a djak Jerusalem á lü vun tilîna a hlata. Suma a deng tazi ata Ma didinina, azi ni d’igi ahina d’a Siyon nda nga d’i giget tuo d’a kaka hina ngingring gak didinda na.

² Ma didina nga mi ngui sum mama kä, ki tchetchemba gak didin d’igi ahuniyôna a ngui Jerusalem kä na.

³ Ma te leu ma asa’atna mba mi te leud’a teteu yam suma d’ingêrâ d’i kayambala suma d’ingêrâ a mbut suma le tchod’a d’uo d’a.

⁴ Ma didina, ang le djivid’a ki suma djivina, ki suma huruzi tuna mi.

⁵ Wani suma a nga tit kur lovot ta gundina, ang b’lagazi woi ki suma murud’umba. Ar ang mba ki b’leng nga halasa yam Israel-lâ!