Sawal la giled’a 124 - Bible azumeina

Ma didina ni ma ndjun sum mamina

¹ Ni sawala hi David ta suma a djak Jerusalem á lü vun tilîna a hlata. Ar Israel-lâ a dala: Ladjï Ma didina mi nga ki sed’ei d’uo ni, ei mba lei ni nana ge?

² Ladjï Ma didina mi nga ki sed’ei d’uo ni, ata yima suma a tchol á duri

³ kur hur mazi ma zal ma keina, a mba ligi ni karid’a.

⁴ Ladjï mi nga ki sed’ei d’uo ni, mbina mi hlubiya wa, aluma mi djang wa keya,

⁵ abil ma ngolâ, mi i wa ki sed’ei mi.

⁶ Ar ei suburi Ma didin ma mi mbud’i nga va mazi ma mutna d’uo na.

⁷ Ei prud’i abozi ni d’igi alei ma mi prut tei avun dauna hi sama nduwandina na; dauna mi tchala; ei prud’i woyo!

⁸ Ndjun meid’a ti tcholï nata Ma didin ma lakulod’a kandagad’ina.