Sawal la giled’a 123 - Bible azumeina

We hohoud’a hAlonid’a

¹ Ni sawal la suma a djak Jerusalem á lü vun tilîna a hlata. An nga ni hle iran akulo á golong ang ma nga kaka yam zlam mang nga amula sä akulona.

² Gola! Ami irami nga ni tinda yam ang Ma didina Alo mamina d’igi azungeîna a nga tin irazi yam suliyozina na, d’igi yuguneina a nga tin irazi yam suliyozi suma aropma na mi, tala ang wami hohowomiya d’a.

³ Ang wami hohowomiya! Ma didina, ang wami hohowomiya, kayam ami ndagamiya wa abo gol la suma a nga golomi isa.

⁴ Ami ndagamiya wa abo sanda hi suma a nga las sumid’a, abo gol la suma yam mba ad’enga a nga golomi isa mi.