Sawal la giled’a 122 - Bible azumeina

Subur ra yam Jerusalem-mba

¹ Ni sawala hi David ta suma a djak Jerusalem á lü vun tilîna a hlata. An nga ki furîd’a ata yima a dan ala: Ar ei ï avo hi Ma didina na.

² Ndak Jerusalem, ami mba tcholomi navun agrek ma’â.

³ Ndak Jerusalem, suma a minik djivid’a heî; nda’î azì ma ngol ma vunam ndjaka tuna.

⁴ Andjaf suma hi Ma didinina, nala, andjaf suma Israel-lâ, a nga tchol a mba ka hî kuruk á gile simiyê Ma didina d’igi gat ta a hazizid’a ti de na.

⁵ Ni ka hî kuruk ba, a tin zlumiyôna á ka sariyad’a; ni suma andjafâ hi David-na a nga kaka kazina.

⁶ Agi tchenegi yam halas sa Jerusalem-mba ala: Ar suma huruzi va’â a le furîd’a ki halasa,

⁷ ar halasa ti kak kur gulumun ma’â, ar kak ka tchugota ti kak kur gongîyo mak suma amula mi.

⁸ Yam b’oziyona azi ki buniyôna, an mba ni dala: Ar halasa kak kurugu!

⁹ Yam gong nga kud’ora hi Ma didina Alo meinid’a, an min ala: Ndak kak ki djivid’a!