Sawal la giled’a 121 - Bible azumeina

Ma didina ni ma ngom sum mamina

¹ Ni sawal la suma a djak Jerusalem á lü vun tilîna a hlata. An nga ni gol iran akulo yam ahuniyôna. Sama ndjununa mba mi tcholï ni lara ge?

² Ndjun manda ti tcholï nata Ma didin ma lakulod’a kandagad’ina.

³ Mam mba mi arang aseng mi ka azlard’eid’a d’i; mam ma ngomongâ nga mi bur sen ndi.

⁴ Gola! Mam mi ma ngom Israel-lîna, iram nga d’i lum sen ndi, nga mi bur sen nduo mi.

⁵ Ma didina ni ma ngomongâ; mi nga tchola ata bigang nga ndjufa d’igi angus ma kangâ na.

⁶ Afata mba d’i ngalang falei d’i, tilâ mba mi lang va andjege d’uo mi.

⁷ Ma didina mba mi ngomong abo ahle suma tchona pet, mba mi ngomong karid’a.

⁸ Ma didina mba mi ngomong kur i manga ki hulong manga mi, ki tchetchemba, gak didin mi.