Sawal la giled’a 120 - Bible azumeina

Tchenda hi sama a tchugum zlad’a kama

¹ Ni sawal la suma a djak Jerusalem á lü vun tilîna a hlata. Kur ndak manda an yi Ma didina, mi hulongôn humba.

² Ma didina, ang prud’un ndei abo suma ka zlad’a, abo suma mbut ira mi.

³ Agi suma mbut ira, Alona mba mi ngobogi ni ki me ge?

⁴ Mba mi ngobogi ni ki yeûd’a hi ma dur ayînid’a ki gordjo ma akud’a mi.

⁵ Ni vama hohoud’a kan á kak mbeid’a aduk suma Mese’â, á kak aduk suma Kedar-râ mi.

⁶ An kak bizad’a ablaud’a aduk suma a noî halasina.

⁷ An halî halasa, wani ata yima an nga ni de zlad’a katna, azi tcholî á dur ayîna.