Sawal la giled’a 114 - Bible azumeina

Sawal la yam buzuka hi Israel-lîd’a

¹ Ata yima Israel-lâ a buzuk kei avo Ezipte-na, ata yima suma hi Jakob ndazina a wal lei ki suma a de vun ma dingîna,

² Juda mi mbut ni yima kaka hi Ma didin ma a tinim iram vama, Israel mi mbut ni yam ma kaka mi.

³ Alum ma ngol ma Tchereuna mi waziya, mi ringâ, alum ma Jurdê-na mi gid’eî woi bugol mi.

⁴ Ahuniyôna a nga gal d’igi gamlâna na, ahuniyô suma gureina a nga dubar d’igi gro aho’â na mi.

⁵ Ang alum ma ngol ma Tchereuna, ni kayam me ba, ang ring nge? Ang alum ma Jurdê-na, ni kayam me ba, ang gid’eî woi bugol ge?

⁶ Agi ahuniyôna, ni kayam me ba, agi galagi akulo d’igi gamlâna na ge? Agi ahuniyô suma gureina, ni kayam me ba, agi dubaragi d’igi gro aho’â na ge?

⁷ Ndak andagad’a, ndak zlak avok Salad’a, avok Alona hi Jakob-ma.

⁸ Mi mbut ahinad’a apod’a, mi mbut ahina d’a ad’enga golong nga laud’a mi.