Sawal la giled’a 113 - Bible azumeina

Agi gilegi Ma didina

¹ Agi gilegi Ma didina! Agi azungeîna hi Ma didinina, agi gilegiziya! Agi gilegi simiyê Ma didina.

² Ar ei suburi Ma didina ki tchetchemba, gak didin mi.

³ Ar suma pet a gile simiyê Ma didina, tinï ad’ud’a abo ma yorogona dei gak abo ma fladegena.

⁴ Ma didina mi nga kaka akulo yam andjaf suma pet. Subur mamba ti kal akulo yam hur alona.

⁵ Ni nge ba, mi hle tam d’igi Ma didina Alo meina na ge? Yam ma kaka mi sä nakulo.

⁶ Nga mi tinï iram kä á gol akulod’a kandagad’a.

⁷ Nga mi tchol suma hohou suma kä andagana akulo, nga mi tchol suma hohou suma kä aduk butnina akulo

⁸ á kagazi tu ki suma nglona, á kagazi ki suma nglo suma hi sum mamina mi.

⁹ Mi hatcha d’a gendreged’a azì ma kaka, mi mbud’ut atcha d’a furîd’a aduk grotna. Agi gilegi Ma didina!