Sawal la giled’a 110 - Bible azumeina

Amul ma ngol ma ngat buzuna

¹ Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

² Ma didina mba mi hang totogo mang nga tamula kad’engid’a ei ni Siyon. Ang mba te yam mang suma djangû suma a nguyungâ.

³ Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

⁴ Ma didina mi gun tamu, mba mi hulong bugol li. Mi dala: Angî ma ngat buzuna gak didin d’igi Melkisedek na.

⁵ Salad’a mi nga ata bigang nga ndjufa, mba mi tchi amuleina woi kur bur ma mi ndeï ayî mama woina.

⁶ Mba mi ka sariyad’a aduk andjaf suma. Yina pet mba mi oî ki mad’a suma; mba mi tchi amulei suma yam ambas sa ngolina woyo.

⁷ Amulâ mba mi tche mbiyo toliyonda iram glovoyo. Ni kayam ndata ba, mba mi yo djedjerem akulo.