Sawal la giled’a 11 - Bible azumeina

David tin hurum yam Ma didina

¹ Ni sawal la David mi hlat mi hat mi ma ngolâ hi suma hle sawalina. Ma didina ni ma an ngei tan atama. Ni nana ba, agi dan ala: Ang pir i yam ahuniyô mangâ d’igi aleina na ge?

² Gola! Suma asa’atna a nga gan yeû mazid’a, a nga tinit irat ata ziyot á yet suma d’ingêrâ kur nduvunda.

³ Le gat ta djivid’a hi simiyeîd’a b’lak keyo ni, sama d’ingêrâ mba mi le ni nana ge?

⁴ Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

⁵ Ma didina nga mi hal hur sama d’ingêrâ, wani nga mi noî ma asa’atna ki ma mi min murud’umba heîna woyo.

⁶ Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

⁷ Ma didina ni ma d’ingêrâ, mi min ni sun nda d’ingêra mi; suma d’ingêrâ a mba wum iram mi.