Sawal la giled’a 100 - Bible azumeina

Ei ni sum mama

¹ Wana ni sawal la gile d’a suburid’a. Agi suma yam andagad’ina pet, agi eregi ad’ugi akulo avok Ma didina ki furîd’a!

² Agi lagi sunda mi Ma didina ki furîd’a, agi mbeyegï avorom ki sawal la aîd’a!

³ Ar agi wagi ala Ma didina nAlona. Mi lei ni mamu, ei ni sum mama, ei nades tumiyô mam suma mi poleina.

⁴ Agi tchugugi avun agrek mama ki sawal la gile d’a suburid’a, agi kalagi kur gulumuna hi gong mambina ki subura! Agi gilegiziya! Agi suburum simiyêm mi.

⁵ Kayam Ma didina ni ma djivina, o mamba ni d’a gak didinda, d’engzeng mamba ti nga ni kur atchogoi d’a lara ge pet mi.