Sawal la giled’a 1 - Bible azumeina

MBAKTUM MBA AVOKA ( 1—41 ) Furî d’a gagazid’a

^1-2 Sama nga mi tit yam d’alâ hi suma asa’atna d’uo, ma nga mi tchol ki suma tchila yam gata hi Ma didinid’a d’uo, ma nga mi kak zlapa darigïd’a ki suma las Alona d’uo, ma hurum ve gata hi Ma didinid’a, nga mi dugud’ot ndumba andjege ki faleina, mi le furîd’a.

³ Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

⁴ Wani suma asa’atna a nga hina d’i. Azi ni d’igi bra d’a simetna mi felet teid’a na.

⁵ Ni kayam ndata ba, kur bur ma ka sariyad’a, azi ndak á tchol avok Alona d’i. Suma asa’at ndazina a ndak á kal kur toka hi suma d’engzengîd’a d’uo mi.

⁶ Ma didina nga mi ngom suma d’engzengâ kur tit mazid’a, wani suma asa’atna a i ni kur bad’a.