Wana ni mbaktumba hi Job-pa 25 - Bible azumeina

Bildat mi de kua ala: Ad’enga ni hAlonid’a tu

¹ Bildat ma Suwa-na mi de mi Job ala:

² Ad’eng nga kal teglesa kahle suma a mbut sana mandarîna a nabo Alona; mi tin nga b’leng nga halasa sä akulo gevem ata yam ma kaka.

³ Ni nge ba, mi ndak á ndum azigar mama ge? Ni nge ba, b’o mamba nga d’i b’o kam mbuo ge?

⁴ Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

⁵ Gola! Le ni b’od’a hi tilîd’a pî, ti nga hapa iram titil li, le b’od’a hi tchitchiud’id’a pî, ti nga b’od’a iram mbuo mi ni,

⁶ samala ni ndjuvulâ na, d’oze gor samala mi ni d’igi ndjuvul ma gorâ na na mba mi de kama na ge?