Ad’u Tinda 36 - Bible azumeina

Esau kak yam ahina d’a Seir-ra

¹ Wana nandjafâ hi Esau ma a yum ala Edom-ma:

² Esau mi vik gro suma Kanan-na, Ada Elon ma Het-na goromba ki Oholibama Ana gorom mba Sibeyon ma Hef-fâ gorom ngolod’id’a.

³ Mi ve Basmat Ismael goromba mi, ni Nebayot wiyemba.

⁴ Ada ti vut Elifas mi Esau, Basmat ti vut Rewel,

⁵ Oholibama ti vut Jeus, Jalam ki Kora. Azi ni Esau grom suma mi vud’uzi kur ambas sa Kanan-ndina.

⁶ Esau mi yo arubuyom ki grom suma andjofâ ki suma aropma ki suma avo hatama pet ki d’uwar mama ki bege mamba kahle suma mam fazi avo Kanan-na pet, mi i yam andaga d’a dinga woi dei ki wiyema Jakob.

⁷ Kayam ahle mazina zul ngola, azi ndak á kak ata yima tuna d’i; andaga d’a azi kak kata ndagazi nga yam d’uwar mazina d’i.

⁸ Esau ma a yum ala Edom-ma, mi kak yam ahina d’a Seir-ra.

Andjafâ hi Esau-na

⁹ Edom suma a kak yam ahina d’a Seir-ra abuzi ngolo ma a yum ala Esau-na andjavam ba wana:

¹⁰ Wana ni simiyê Esau groma: Elifas Ada atchad’a hi Esau-d’a gorotna ki Rewel Basmat atchad’a hi Esau-d’a gorotna.

¹¹ Elifas groma ba wana: Teman, Omar, Sefo, Gatam ki Kenas.

¹² Timna natcha d’a gora hi Elifas ma Esau goromina; ti vud’um gor mandjufâ, a yum ala Amalek. Azi ni Ada atchad’a hi Esau-d’a grot ngolona.

¹³ Wana ni Rewel groma: Nahat, Zera, Samma ki Miza. Azi ni Basmat atchad’a hi Esau-d’a grot ngolona.

¹⁴ Wana ni Oholibama Ana gorom mba Sibeyon gorom ngolod’id’a: Ti vut Jeus, Jalam ki Kora mi Esau.

¹⁵ Wana namulei suma ad’u andjafâ hi Esau-na. Wana nandjafâ hi Elifas Esau gorom ma ngolîna: Teman, Omar, Sefo, Kenas,

¹⁶ Kora, Gatam ki Amalek; azi namulei suma a nga ad’u andjafâ hi Elifas suma a nga yam ambas sa Edom-mbina. Azi ni Ada grot ngolona.

¹⁷ Wana namulei suma a nga kaka Edom-ma: Nahat, Zera, Samma ki Miza; azi ni Rewel groma ni Basmat atchad’a hi Esau-d’a grot ngolona.

¹⁸ Wana namuleina: Jeus, Jalam ki Kora; azi ni Esau groma ki Oholibama Ana atchad’a hi Esau-d’a grotna.

¹⁹ Azi namulei suma Edom-ma andjafâ hi Esau-na.

²⁰ Wana ni Seir ma Hor-râ groma, ni suma a kak adjeu yam andaga ndatina: Lotan, Sobal, Sibeyon, Ana,

²¹ Dison, Eser ki Disan; azi namulei suma Hor-râ, azi ni suma yam andaga d’a Edom-mba, azi ni Seir groma.

²² Wana ni Lotan groma: Hori ki Hemam; Lotan wiyemba ni Timna.

²³ Wana ni Sobal groma: Alvan, Manahat, Ebal, Sefo ki Onam.

²⁴ Wana ni Sibeyon groma: Aya ki Ana; Ana ni ma fe mbiyo ma aku ma laud’a abagei hur fulâ kid’a mam nga pol korona habum Sibeyon-nina.

²⁵ Ana groma ba wana: Dison ni mandjufâ, Oholibama ni d’a atchad’a.

²⁶ Wana ni Dison groma: Hemdan, Esban, Jitran ki Keran.

²⁷ Wana ni Eser groma: Bilhan, Zävan ki Akan.

²⁸ Wana ni Disan groma: Us ki Aran.

²⁹ Wana namulei suma Hor-râ: Lotan, Sobal, Sibeyon, Ana,

³⁰ Dison, Eser ki Disan; azi namulei suma Hor-râ ad’u andjavazi kur ambas sa Seir-ra.

³¹ Wana namulei suma a tamula yam andaga d’a Edom-mba avok bei Israel-lâ a tamula tua d’a:

³² Bela Beyor goroma, mi tamula avo Edom; simiyê azì mam ma ngolâ ala Dinaba.

³³ Bela mi mid’a; Jobap Zera ma Bosra-na goroma, mi vrak tamula blangâmu.

³⁴ Jobap mi mid’a; Husam ma yam andaga d’a Teman-ndina, mi vrak tamula blangâmu.

³⁵ Husam mi mid’a; Hadat, Bedat goroma, mi vrak tamula blangâmu, mi dur ayîna ki suma Madiyan suma yam andaga d’a Mowap-pina. Azì mam ma ngolâ a yum ala Avit.

³⁶ Hadat mi mid’a; Samla ma Masreka-na, mi vrak tamula blangâmu.

³⁷ Samla mi mid’a; Saul ma Rehobot ma avun alum ma Efrat-nina, mi vrak tamula blangâmu.

³⁸ Saul mi mid’a; Bäl-Hanan Akbor goroma, mi vrak tamula blangâmu.

³⁹ Bäl-Hanan Akbor goroma mi mid’a; Hadar, mi vrak tamula blangâmu. Azì mam ma ngolâ a yum ala Pau. Amamba a yat ala Mehetabel Matret gorom mba Mezahap gorom ngolod’id’a.

⁴⁰ Wana namulei suma ad’u andjafâ hi Esau-na, ad’u andjavaziya, kambas mazid’a ki simiyêziya: Timna, Alva, Jeter,

⁴¹ Oholibama, Ela, Pinon,

⁴² Kenas, Teman, Mipsar,

⁴³ Makdiyel ki Iram. Azi namulei suma Edom-ma, kazì mazi ma kaka kur ambas mazid’a. Esau ni suma Edom-ma abuzi ngolo.