1 Sunda Hamuleinid’a 25 - Bible azumeina

Ades suma hle sawala

¹ David ki suma nglo suma avok azigarîna a tin suma hi Asaf-fâ, suma hi Heman-na ki suma hi Jedutun-na irazi vazi yam sun nda kud’or Alona á djok vun Alona woi kading ma nglona kading ma gureina ki tchigiyeud’a mi. Ablau suma a nga le sun ndatina ba wana:

² Asaf groma ni Zakur, Josef, Netaniya ki Asarela. Nabuzi Asaf ba, nga mi tagazi lovota á djok vun Alona woi ki sawala d’igi amulâ mi he vuna na.

³ Jedutun groma ni Gedaliya, Seri, Isai, Hasabiya, Matitiya ki Simei. Azi pet ni karagaya. Nabuzi Jedutun ba, nga mi tagazi lovota á djok vun Alona woi ki sawala kading ma ngolâ á subur Ma didina, á gilem mi.

⁴ Heman groma ni Bukiya, Mataniya, Uziyel, Sebuwel, Jerimot, Hananiya, Hanani, Eliyata, Gidalti, Romamti-Ezer, Josbekasa, Maloti, Hotir ki Mahaziyot.

⁵ Azi pet ni Heman groma. Ni ma nga mi djok vun Alona woi mamulâ á tagam sib’ik mamba woina. Alona mi hum gro andjofâ dogo yam fid’i, gro aropma hindi mi.

⁶ Azi pet nad’u vun ma hed’a habuzina á hle sawala kur gong nga kud’ora hi Ma didinid’a ki tchigiyeud’a kading ma nglona kading ma gureina á le sunda kur gonga hAlonid’a. Asaf azi ki Jedutun ki Heman, azi ni suma ad’u vun ma hed’a hamulîna mi.

⁷ Azi ki b’oziyozina pet ni kikis mbà kam dok klavandi yam klavandi. Ni suma a we á hle sawala mi Ma didina heîna, ni suma a hat ndrozinina mi.

⁸ A le togina kazi á tinizi kur sun mazid’a, kemba ki suma nglona, suma hata ki suma a had’azina mi.

^9-31 Suma a tinizi kur sunda ki toginina ba wana: 1 Josef Asaf goroma 2 Gedaliya 3 Zakur 4 Jiseri 5 Netaniya 6 Bukiya 7 Jesarela 8 Isai 9 Mataniya 10 Simei 11 Azarel 12 Hasabiya 13 Subayel 14 Matitiya 15 Jeremot 16 Hananiya 17 Josbekasa 18 Hanani 19 Maloti 20 Eliyata 21 Hotir 22 Gidalti 23 Mahaziyot 24 Romamti-Ezer. Nge nge pî ki sum mama ni dogo yam mbàmbà.