1 Sunda Hamuleinid’a 24 - Bible azumeina

Adesâ hi suma ngat buzunina

¹ A tin andjafâ hi Aron-na ad’u adesâ teng teng. Aron groma ni fid’i, Nadap, Abihu, Elazar ki Itamar.

² Nadap azi ki Abihu a bo avok abuzi bei a vut grona. Ni kayam ndata ba, Elazar azi ki Itamar a le sun nda ngat buzuna ni azi hol.

³ David mi tin andjafâ hi Aron-na yam sun mazi d’a led’a teteng. Sadok ma ad’u andjafâ hi Elazar-râ ki Ahimelek ma ad’u andjafâ hi Itamar-râ ni suma a ndjunuma.

⁴ A fe suma nglo suma aduk andjafâ hi Elazar-râ a kal suma nglona aduk andjafâ hi Itamar-râ. A walazi nad’u adezezi teteng. Suma nglo suma avok andjafâ hi Elazar-râ a ni dogo yam karagaya, suma nglo suma avok suma hi Itamar-râ a naklavandi.

⁵ A walazi teteng ni ki togina, kayam suma nglo suma a tinizi ata yima a tinim iram vama ki suma nglo suma a le sunda mAlonina ni suma ad’u andjafâ hi Elazar-râ kandjafâ hi Itamar-rîna mi.

⁶ Ata yima a le togina kazina, a yo ad’u andjafâ hi Elazar-râ mbà, a hle aduk andjafâ hi Itamar-râ tu mi. Ma b’ir mbaktumba Semaya Natanel ma ad’u andjafâ hi Levi-na goroma, mi b’irizi simiyêzi kä avok amulâ, avok suma nglo suma avok sumina, avok Sadok ma ngat buzuna, avok Ahimelek Abiyatar goroma, avok suma nglo suma avok suma ngat buzunina kavok suma nglo suma avok suma hi Levi-nina mi.

^7-18 Suma a manazi ki toginina ba wana: 1 Jehojarip 2 Jedaya 3 Harim 4 Seyorim 5 Malkiya 6 Miyamin 7 Hakos 8 Abiya 9 Josue 10 Sekaniya 11 Eliyasip 12 Jakim 13 Hupa 14 Jesebap 15 Bilga 16 Imer 17 Hezir 18 Hapises 19 Petahiya 20 Ezekiyel 21 Jakin 22 Gamul 23 Delaya 24 Mäziya

¹⁹ Ni hina ba, a tinizi kur sun mazid’a á kal kur gong nga kud’ora hi Ma didinid’a d’igi gat ta Ma didina Alona hi Israel-lîna mi hat mabuzi ngolo Aron-nda na.

Ablaud’a hi suma hi Levi-nid’a

²⁰ Andjafâ hi Levi ma ding ma arâ ba wana: Aduk andjafâ hi Amram-ma ni Subayel, aduk andjafâ hi Subayel-lâ ni Jediya.

²¹ Aduk andjafâ hi Rehabiya-na ni Jisiya ni ma vut avok aduk b’oziyomina.

²² Aduk andjafâ hi Jisar-râ ni Selomot, aduk andjafâ hi Selomot-na ni Jahat.

²³ Hebron groma ba wana: Jeriya ni ma ngolâ, Amariya ni ma mbàna, Jahaziyel ni ma hindina, Jekameyam ni ma fid’ina.

²⁴ Uziyel goroma ni Mika. Aduk andjafâ hi Mika-na ni Samir.

²⁵ Aduk andjafâ hi Jisiya ma Mika wiyemina ni Zakari.

²⁶ Merari groma ba wana: Mali, Musi ki Jäziya.

²⁷ Suma ad’u andjafâ hi Jäziya ma Merari goromina ni Soham, Zakur ki Ibri.

²⁸ Mali goroma ni Elazar, ni ma vut nga gor mandjuf fuo na.

²⁹ Kis goroma ni Jeramel.

³⁰ Musi groma ba wana: Mali, Eder ki Jerimot. Azi nandjafâ hi Levi-na ad’u adezeziya,

³¹ a ni suma avok sum mazina d’igi b’oziyozina na na mi, a le togina kazi avok amulâ David, avok Sadok, avok Ahimelek, avok suma nglo suma avok suma ngat buzunina kavok suma nglo suma avok suma hi Levi-nina mi, ngad’a yam ades ma ngolâ kades ma gorâ mi.