Sálmos 23 - Dupade Uruode

David uté ipesudé Sálmo udaque.

¹ Pangarádejnai u Yirodisṍri uje yajnua tu uté gachidé áyasa, ga que cuchárique chona yu jne ome uté.

² Ga uté pésu ga yo yujñare iji jnacaraque ijoréjnai uté ajei. Ga uté cho quique yodi jogadi ome yu uje yodi cho paráguiji jnumi.

³ Uté chatire yetotigué ichai yibai. Ga uté chijñaque yu aja pigabode uje cucha uréone gabode u udore, gu jeta pisígai uté i ueradi uté.

⁴ Ujeta yiriguiji turéjnane udore ujade uje pitoringai uburúdi déji marínga, que yitodo cucha pirosobátique yúrique, uje bagúsiji yari iji uté gu. Uje bajna bogué gáredie ome cuchade yúode, ga ditaji eruei iji bogué uña uaté, ga udire pésu ga yujnusi yu ome cuchade.

⁵ Bapésu mésa uaté iji yiquei uje cucha pibose uneréjnane déji uaté gai, iji yumajosórone udore ore edominone. Ga banire aceite uté aja yójo. Irágupúsu yijópidi uté to, ga yóreja uté ejode cucha podi uté.

⁶ Jé ũré uje pipararinguei, posongaquei a ore chajna yu dirode jnese gatuaque jne jé aja yucuecaringuei eruénique iji erámi udé. Enga a yupúsi Pangarádejnai uté gari iji iguíjna ueradi jne iji deréjna pitade jnese jne.