Sálmos 15 - Dupade Uruode

David ipesudé Sálmo u.

¹ Pangarádejná, ¿Ama gosi erase jeta pusi baguíjna puyai uté ajei? ¿Jé aja bedójnari cucarãte uté uje bacha báringai pirosobate aja cucarani uté ga gosi urásu jeta pusi uté?

² Uté u uje que iyoguérique cuse aja dajesúode, jé aja uje uté ipesudode u cucha arégode quigode gatuaque, enga chedu puru uréone iji dajei gatuaque.

³ Ga uté arei eteque pujutarétigai ome dojórique ayoré, jé aja uje que pésu dajõrárique ejóporinguérique ome cuchárique, ga que uté juegabádi upo rĩ jeta pinguíraja dipoi aja dejominónique dojo ayoré gotique to ome ore aguhétajarigo cucha bisidécho.

⁴ Ate arei uté chimo ayoré ate noñánguipísode udore ore, ga chujnapise ore; jé basa ga uté isígayode u udore ore uje ore dosóñime Pangarádejnai uté. Jecucha ayoré ũrei uté doi daru iyiejnáringo quigode jnese. Jeta uajácho ome, mu que doi ga chécãre daruode quigode udore, uje e chajo raja udore úringane pipesucho gu ica.

⁵ Uté chisíome dapláta ome dojórique ayoré jeta gosi chaparu, mu que iplátasṍri uté chisa dajnerámeraque iji udire gai, uje caniraque gu. Ujetiga ate gajnaréngone ore pota chimate jnani ũrei uté ome dapláta jeta cho máranguiji gosi bisideque, mu que doi uruode. A gosi pésu cuchade udojo quigode jnese ga a jé ca pijocayaque uté jne iji deréjnane jnese.