Sálmos 148 - Dupade Uruode

¹ ¡Acotáyo Pangarádejnai! ¡Acotáyo Pangarádejnai iji gaté! ¡Acotáyo Pangarádejnai iji gatajnoquei!

² ¡Acotáyo uté, irógode gaté unirísoño uaque jnese! ¡Acotáyo uté, urása dipeséode uaque jnese iji gatajnoquei!

³ ¡Acotáyo uté, guedé, guedoside uaque! ¡Acotáyo uté, guédo nanganatáguedie uaque jnese!

⁴ ¡Acotáyo uté, uje uacagúsoji gatajnoquei uécha gatei, jé aja yodode uaque uje uacagúsoji gaté uté gai!

⁵ ¡Jé tiógara jeta picotaque Pangarádejnai uté i ome ore! U gu uje uté chiroque ore aja guesi jeta ore déji erámi, ga pimanique ore.

⁶ Ga uté chimate ore jeta jecucha ore jogate gatuaque; uté chicha dáyipie pirosobádedie aja te jeta jé ca pinoningaña udire.

⁷ ¡Acotáyo Pangarádejnai iji erámi údode, yote quedéjna cuchábode achamisórone cucha guichaya uaque á, jé aja yote quedéjna cuchábode ajedatéode uaque!

⁸ ¡Ga ajnorápiedie u to, jé aja ebe cuchábedie, ebe basuguedie, jé aja jese basui; jé aja eme cuchábode udore uje ore tangári uté uru quigode!

⁹ ¡Cucarãte cuchábode u to, jé aja cucarãte orónaminie jnese, pore arenie, jé aja poridie jnese uje ore i tu cédro!

¹⁰ ¡Jé u to cuchiso chagúode, cuchiso parágode ore rĩ, jé aja cuchiso urugúode iji jnumi gai, jé aja chugúpẽre chogode ore rĩ!

¹¹ ¡Peduguéjna cuchábode ore iji erámi upo rĩ, jé aja erámone unirisórone ore jnese, jé aja peduguéjna uñane ore, jé aja udore ore jnese uje ore ajirique padode aja quigode iji erámi údode!

¹² ¡Jnacarode ore u, jé aja gapudíe ore rĩ; choquíjnane u, jé aja disiode ore to á!

¹³ ¡Jé tiógara jeta ore chicota Pangarádejnai i, uje gusu uté i uje jnuéngai cuchade jnese ome dáringai pisígai; uté ingoningájnai déji jnumi, gatajnoquei ore gai jnese!

¹⁴ ¡Pangarádejnai uté guẽrate petotiguei ome darasade ore! ¡Uté u uje urása uréone jnese jé tiógara jeta ore chicota uté, israélgosode abode udore ore, uje idógosi urasade udore ore iji uté áyipie gatuaque! ¡Picotaque Opejã Pangarádejnai!