Sálmos 146 - Dupade Uruode

¹ ¡Picotaque Opejã Pangarádejnai! Yicatecã́ri yáyipie iji yajei, ga yojninga: –Acota Pangarádejnai.–

² A yicota Pangarádejnai jne, jé aja yucuecaringuei eruénique. A yirate yicotaqué gajnéringui yiradei jne ome Yangureni Dupa uté uje qué yiqueca iji erámi tudé.

³ Jé ca acha banguretigárigaja pasuté cucháberaque ujnacáningo ore, jeoga bojórique ayoré ujnacánique u, uje que piquetangóri u uté gosi gu.

⁴ Uje pijnimique uté ujñari iji ga chajniapója dáringai ijnámejna; iji diri tuté ga uté áyipie quigode nóna uté aja úringai toque.

⁵ Pininaquei gajnesṍri u gosi uje átajasṍri tu jnani bajai Jacob uté angureni Dupa, ga uté anguretigai jogadi u Dadupa Pangarádejnai.

⁶ Uté ipesute gatajnoquei, jé aja jnumi, jé aja yote quedéjna cuchábi, jé aja udore jogosórone cucha jnese; uje jecucha ũré uté ome añerane cucha jnese.

⁷ Pangarádejnai chajire udore ore adode aja quigode uje ore déji pijosipiedie jmainie; ga chisíome udore ore posode ome ore uje chaguhei chejna ore. Pangarádejnai chijnime ore jurúgayode ore iji ore úringane pujurúgayo.

⁸ Pangarádejnai chuchẽre edoparigode ore edodie gáyode. Pangarádejnai chiringare udore ore aja gaté uje ore tajia re; Pangarádejnai chijnorapise uréone ore.

⁹ Pangarádejnai chañuru purása quedéjna disorane ore guio; jé aja uje chirota disijádode, abai toguedie ore. Mu pésu ga sijnángone udore ore jmapiedie chaquesu re jnaque iji te.

¹⁰ Pangarádejnai úringai pangarate peduguéjna que chise deruénique. ¡Urénga, Sión á! Bangureni Dupa úringai peduguéjna a jé chuságaja disi ejórigo ore ujnié ejórigui ore jnese jne. ¡Picotaque Opejã Pangarádejnai!