Sálmos 137 - Dupade Uruode

¹ Uje e yugúcoji tiedie udire uje déji puniri Babilónia uté, ga yichago yoquebiedie aja uté uje yácagoji, uje yujnusinángo Sión uaté iji uté gu.

² Yuguhéco yoquigode árpa iji poridie udire ujade uje i tu "sauce" iji ore uniri Babilónia uté.

³ Yoquisasórone ore chiroque yoque aja ijñiecacai, ga udore ore uje ore doi dajosipiedie ome yoque ore chojningame yoque: –Anínaño uaque ga beyoi uacaradéraque uje qui u Sión.–

⁴ ¿Yocorási ringome ujeta yicoi yoquiradedie iji pachamite quedéjnarique? uje Pangarádejnai gajnei piradedie udire.

⁵ Jerusalén á, jeta araja ti yicadígui ua, ga ajuéga ga yãrachua ca quejnapo to rĩ.

⁶ Ajuéga jeta yarei catája yibájapitai, jeta jé ca yáyipie dépoji ua rĩ, Jerusalén á; ujeta jé ca Jerusalén sué yedójnarione cucha udore gai jnese ome yu.

⁷ Pangarádejná, ca acadígui edómgosode ore adode iji diri tuté uje ore chojningame Jerusalén jnuéngaisórone udore ore: –¡Ajnangaráso! ¡Ajnangaráso aja uaquejode, jé aja chaquipie!–

⁸ ¡Urénga, babilóniagosode uaque á, uje bajnangarase cuchade aja barosadode! Pininaquei gajnesṍri tu uté gosi uje a cho dajnutabádu re uje bapésu udore ome yoque gu.

⁹ Pininaquei gajnesṍri u uté uje a chujé bape parátagabode jne ga a chinguíra ore aja cucarané jne.