Sálmos 130 - Dupade Uruode

Piradé aja dajei iji Jerusalén yui.

¹ Idája yu iji guesi, mu yagoyé gajnesṍri jé u ua, Pangarádejná.

² Pangarádejná, angári yúringai udé dara. Ajuéga bangoninguinone ome yu jeta guesája gadoi ome yutoqué gajnéone cucha.

³ Pangarádejná, a ajmitárase uyógome pate gajnaréngone, mu ¿gosi dérasi? jeta ojningame uté: –Tepárique ua ome cucha gajnaréngone.–

⁴ Mu ome ua, ga bamurase cuchade, uje bagaidi u gu ujeta pirosobate ua.

⁵ Yirodi u Pangarádejnai, ga yejna yáyipie aja uté úringai pirodique; uté uru quigode u uje yangureta udore quigode yui ome yu.

⁶ Yejna yáyipie aja Pangarádejnai uté úringai pirodique, ga yujnué irodicacade udore ore gai, uje ore gajnepídi u dejai ujeta ore chirote diri yui ome daroditique cucha. Jé ũré yu uje yujnué irodicacade udore ore gai, uje ore chirote diri yui ome daroditique cucha.

⁷ ¡Urénga, israélgosode uaque á, anguretáyo Pangarádejnai uté yui! U gu uje Pangarádejnai uté érãtique íjnoque osongaquei, ga que pejnaque uté úringai Piquetangore gotique.

⁸ Uté upúsu uje a chirame israélgosode ore ome ore ate gajnaréngone jnese jne.