Sálmos 128 - Dupade Uruode

Piradé aja dajei iji Jerusalén yui.

¹ Pininaquei gajnesórone u udore ore uje ore dosóñime Pangarádejnai, ga ore chajna uté isocade quigode ome re.

² Bamaningone cucha ome bajmainie u uje pésu ga bagome udore. A anína ua jne, ga jecucha batijína gatuaque.

³ Bacoté a gajnua tu erejna quedéjna úva jne iji baguíjnai uté uje adie jiei, jé basa ga babode udore a ore gajnúone u ore acaque uñai ujnié uaté jne uje i tu olívo, iji bamésa dosadode.

⁴ Cajmita uje Pangarádejnai adi jé u uté ome gosi uje dosóñime Pangarádejnai uté, uje pininaquei gajnesṍri u uté gosi.

⁵ ¡Yipésupú ga Pangarádejnai chisíome daru ueradode ome ua iji dayaridi Sión uté jõ! Ga a ajire Jerusalén uaté ome úringa aregue jne jé iji deréjna pitade jnese iji bacuecaringuei uté.

⁶ Urásu to ujetiga qué bacuecaringuei chise ujetiga amo bape disi ejode udore ore. ¡Pajesereringai jogadírase Jerusalén gatuaque!