Sálmos 127 - Dupade Uruode

Piradé aja dajei iji Jerusalén yui. Peduguéjnai Salomón iradé u.

¹ Ujetiga Pangarádejnai jé ca pésu guiguíjnarique, ga que cuchárique tṍraji ome orasórone udore ore. Ujetiga jé ca Pangarádejnai chuse pidánique guio, ga ore añerasṍri uje chajire ore dosadode ga cachi ajirique erámi.

² Que cuchárique tṍraji uje bãrijíji dirájnanie ome basai yui, ga bejna dejai aja baquigade, ga bagu arurégode gu uje basai uté na ua aja jnumi; basoca jóroguio udore gu, uje Dupade guẽrate moi ome dajnorane udore ore.

³ Cadójnanga to uje Pangarádejnai guẽrate pabode udore ore, ga cucha orerãque gajnujna udore ore uje ore tṍraji datedie ore.

⁴ Ga ore cho docojodie iji jõcaratáguebei jmainie, pabode udore ore uje ore base iji dayé úringai jnacare.

⁵ Pininaquei gajnengóri tu jnacánique uje ujuya dojodie úringáringui docoidei, uje docojodie udire gajnúone u pabode ome ore dai, ga uté umajosórone a jé ca ore chinguíra dipoi aja uté jne jeta déji padode ajirisṍri iquei.