Sálmos 124 - Dupade Uruode

Piradé aja dajei iji Jerusalén yui. Peduguéjnai David iradé u.

¹ –Ujetiga Pangarádejnai jé ca chirotárase uyoque,– israélgosode ore chojningárasa iji de;

² –Ujetiga Pangarádejnai uté jé ca chirotárase uyoque, uje jnanione udore ore socárome yoque,

³ enga udore a ore chinirerase yoquibai jnese iji yocúringane pórecajna, uje ore ájningai tocade ome yoque.

⁴ Enga cho jetiga gue dequejnangóri u uje jnorase yocúdi aja dajesúrique uje yote bayai chacórase yoquibai.–

⁵ Yote bayaque uoi uté chacórase yoquibai.

⁶ ¡Picotaque Opejã Pangarádejnai! uje que juéga yoque ome udore ore pãtaraque chagúode.

⁷ Udore ore ujuyadie juseque yoque, ga jé yocajnunie u chugúperenie gaisṍremétique uje ujuyáraque juséguei chugúperenie udire; pujuyadie udire pépita, jecute yapíco ome udire.

⁸ Yocátajasṍri u Pangarádejnai i, uje uté u uje ipesute gatajnoquei, jnumi ore.