Sálmos 121 - Dupade Uruode

Piradé aja dajei iji Jerusalén yui.

¹ Yajire cucaranone udore ome yedodie. Ga yojninga: –¿Ama yátajasónique tṍraji rique jne?–

² Yátajasṍri u Pangarádejnai uje ipesute gaté, jnumi ore jnese.

³ Que uté juéga ujetiga barídai cho caru jne, ga bañerasṍri uté eteque moi.

⁴ Cadójnacho to uje uté chañuru Israel guio, ga érãtique motique doi uté edóraque ome dedo caturunie.

⁵ Pangarádejnai uté u bañerasõre cuchábi. Pangarádejnai u purute pañerasṍri uje déji bãrachua.

⁶ Guedé iji diri a jé ca pésu baporitáringárique; jé aja guedoside iji dejai, uje a jé ca pésu baporitáringárique iji uté.

⁷ Pangarádejnai a chusípise beo ome cucha noñángone jnese jne. Ga a uté chuse bacuecaringuei guio to jne.

⁸ Pangarádejnai chuse beo aja baqui jé aja jeta esápo bajogadi rĩ, jé iji deréjnai udé jé aja siqueredie gatuaque iji baquei.