Sálmos 114 - Dupade Uruode

¹ Uje israélgosode ore jnoji Egípto uté, uje Jacob jogasúode udore ore jnoji puru guichayade urúsorone udore ore gari,

² ga Judá uté nóña ga Dupade chicha dayarite pirosobádejnai aja uté; ga Dupade uté chicha dáringai peduguéjna cuchape aja puniri Israel uté, jeta chajire udore ore yui jnese.

³ Uje yote quedéjna cuchábi chajire udore, ga chayo ¡jmuque! Jé basa ga ujoi yote quedéjna uje i tu Jordán chajnésaru daquigade.

⁴ Ga cucarãte yoricode chãrai riji gatéode, cho áyasa choquíode ome isocai; jé basa ga cucarãte catadéode ore chosi áyasa ababidie uje ore chosi ¡chem! aja dajesúode.

⁵ Yote quedéjná, ¿bajuré gajnetique cucha? uje bayo ¡bu! Jeoga Jordán, ¿cuchárique u gu a uje bajnésaru baquigade?

⁶ Cucarãte yoríco á, ¿basocai uté quitique? uje bãrai ua iji gatéode ga barate áyasa ape choquíode udore ore isocai. Jeoga cucarãte catadábode suaque á, ¿jé basocai quitique? uje uacoyósi áyasa ape chógabídie aja uacajesúode.

⁷ Jnumi á, atãraráji Pangarádejnai uté edominone. Atãraráji uté iquei uje Jacob angureni Dupa u uté.

⁸ U gu uje uté pésu cucarané ga nóña ga gajño; cucarané timingue mu nóña ga simíjnai tṍraji uaté.