Sálmos 113 - Dupade Uruode

¹ ¡Picotaque Opejã Pangarádejnai! Acotáyo uté, Pangarádejnai irógode uaque á. Acotáyo Pangarádejnai uté i.

² Picotaque Opejã Pangarádejnai uté i iji deréjnai tudé jé aja deréjna pitade jnese.

³ Pangarádejnai uté i úringai picotaque jogadi tu guedé garani ga jé chuságaja guedé cacadi jnese.

⁴ Pangarádejnai déji punirone jnese gai ome dáringai ujopíerãque cuchape; ga uté ingoningájnai déji gatajnoquei uté uéchai gaté.

⁵ ¿Gosi u jeta jé cho Pangarádejnai uté, uje Yocudupade u uté, uje uté charidi idájapísiji gatajnoquei,

⁶ ga uté chosi riji jnumi ujetiga toji jnupe idájai udé gai jé aja gatajnoquei iji dádi?

⁷ Pangarádejnai chiringare ayoré jmatai uté iji ijnámejnai gai, jé aja uté uje érãtique ugúcharique cuse, ga chijnime uté iji jnupuñúringai jogadi to.

⁸ Ga pésu jeta ore chácariji eduguéjna ibijógode ore gari, iji ore idai uté uje peduguéjna ibijócho udore ore iji uté.

⁹ Uté chisiapome chequé aberé gajnepídi ome to rĩ jeta pininaquei chise uaté ome úringa abechugué to iji daguíjnapísi. ¡Pisígai Opejã Pangarádejnai uté!