Sálmos 100 - Dupade Uruode

Picotaquéode gajné Sálmo udaque ome Dupade.

¹ Abichoi Pangarádejnai ome uaque iji uacaninaquéode udore quigode, jnumi achamisórone uaque jnese.

² Beyoi Pangarádejnai adode ga anínaño uágome udore. Abáchoi Pangarádejnai uté iji charidi ga aracho uacaradedie ome uté jeta anínañopúsu uaque ome uté.

³ Adójnachopísa uje Dupapísi u Pangarádejnai uté. Uté pésu yoque ga uté gajneque yoque. Uté urasapísode u yoque, ga uté cho dachidedie áyasai iji yoque uje déji uté gajnei garai.

⁴ Acáyoja ore pípidebei piago aja Dupade iguíjna cuchábi uté yui jeta acãcho uté gai, ga abáchoi iguíjnai tuté ujuyaquéode ajei jeta aríño uaquẽratígo picotaquéo údi ome uté. ¡Asíyo uté gai, ga acacã́cho uté i ome uacaru ueratígo!

⁵ Uje paraguipise Pangarádejnai uté; uté osongaquei érãtique chise deruénique, jé aja uje úringai ũré que piyaque eruénique to, ga jé chuságaja disi ejórigo ore ape ejórigo ore jnese jne.