Nehemías 7 - Dupade Uruode

Nehemías pésu datigate Hananí úringai eduguéjna ujetiga jerusaléngosode ore cho deduguéjnai iji uté

¹ Enga chise diri nanique uje e dimane yocujuyaquei piagode jorídedie jeta yujuco pijnanone ome jorídedie udire. Ga jé u uje yicatecãcoi levígosode ujetiga udore uñane chirote yocujuyaquéode pijnanone jorídedie ejode to. Enga levígosode udore uje ore isai tu Dupade iguíjna cuchábi piagode jeta ore chirote udore ga udore uñane chirote yocujuyaquéode piagode to, jé aja deyade uñane to, ga ore cháta raja ore to ome yocujuyaquéode piagode.

² Ga yipésu itigate Hananí úringai eduguéjna ujetiga jerusaléngosode ore cho deduguéjnai iji uté, jé aja Hananías úringai eduguéjna to ujetiga uté cháta raja Hananí to enga ore chajire darasade yúode iji Jerusalén uté. Soldádode ore eduguéjnai u Hananías uté enga pangurenéjna uté ome cutejmai áyuquetotiguejná. Enga uté anguretigai jiei ome Dupade ga sué dojode jnanío ore anguretigai gai ome Dupade to.

³ Ga yojningame yurasade ore nanique: "Beyoi ga yĩrijínango yoquejode ome yocumajosórone ore." Ga yojningame levígosode ore: "Beyoi yocujuyaquei piagode ga arocho, mu ca achẽcho gáyode uje guedé qué déji jnumi. Mu achẽcho gáyode eti guedé idájai jnumi. Enga ajucho gáyode jne uje soldádode qué ore déji piagode ejode to. Enga aramísaraño jorídedie isangurúone guebeque aja gadoi te jne, ga jé u jeta uajadipise jorídedie. Enga ayoré chojmara, chojmarane ore chirodipise daguíjnane to jne iji guidai údode."

⁴ Enga garósipise israélgosode iji yoquidai Jerusalén údode nanique. Uje yoquidai cuchadatei nanique mu cáma ore chirópo daguíjnane iji yoquidai uté rĩ.

Israélgosode arorade uje ore chajniapója dedáidaté casica Jerusalén rĩ, ore íode u udojo

⁵ Jecute Dupade chijocase yáyipie nanique ujetiga yamáta yoqueduguéjnane, jé aja yocurasade uñane to, jnani atade, jé aja ayoré gajnaréngone ore to jnese ujetiga purusãraque ore íode iji darujna aode jnese, jeta yirajágo judágosode yoquibatigai to. Yise darujna aórique uje arorade ore i cásodicáite déji jnese. Ga ore urusãra cásodicáite chósi te:

^6-7 "Enga yatatagode u israélgose arorade uje ore chajniapója dedáidaté casica Jerusalén rĩ. Yojningai udore ore u uje ore batigade u daniri nanique uje i tu Judá. Mu eduguéjna cuchábi casica Nabucodonosor chijnime ore nanique iji daniri ga jno ore údi aja daniri Babilónia nanique. Uje eduguéjnai Círo chatire ore aja ore uniri nanique ga gaidi tu jeta ore chirópo Dupade iguíjna cuchábi aja gaté rĩ iji Jerusalén. Mu ore chise daniri nanique ga ore chisite raja dedai arode iji Jerusalén dosadode. Ga ore jno nanique aja dajei, ga a yatataba ore angaránone íode jne, ga ore íode u udojo: Zorobabel u uñai; Jesúa upo uñai rĩ; Nehemías upo uñai rĩ; Azarías upo uñai rĩ; Raamías upo uñai rĩ; Nahamaní upo uñai rĩ; Mardoquéo u uñai rĩ; Bilsán jé upo uñai te rĩ; Misperet upo uñai rĩ; Bigvai upo uñai rĩ; Nehum upo uñai rĩ, jé aja Baana to nanique rĩ. Ga yatatagode e u arorade uñane ore dáqui gatéode íode to uje udore ore gãrapíode u udore ore nanique jé aja udore ore ape disi ejode ore batigade uje e ore chajniapója daniri uté nanique rĩ:

⁸ Jnani bajai Paros ape disi ejode ore batigai chise 2.172 nanique.

⁹ Jnani bajai Sefatías ape disi ejode ore batigai chise 372 nanique.

¹⁰ Jnani bajai Ara ape disi ejode ore batigai chise 652 nanique.

¹¹ Jnani bajade Jesúa, Joab ore ape disi ejoi Pahat-moab ape disi ejode ore batigai chise 2.818 nanique.

¹² Jnani bajai Elam ape disi ejode ore batigai chise 1.254 nanique.

¹³ Jnani bajai Zátu ape disi ejode ore batigai chise 845 nanique.

¹⁴ Jnani bajai Zacai ape disi ejode ore batigai chise 760 nanique.

¹⁵ Jnani bajai Binúi ape disi ejode ore batigai chise 648 nanique.

¹⁶ Jnani bajai Bebai ape disi ejode ore batigai chise 628 nanique.

¹⁷ Jnani bajai Azgad ape disi ejode ore batigai chise 2.322 nanique.

¹⁸ Jnani bajai Adonicam ape disi ejode ore batigai chise 667 nanique.

¹⁹ Jnani bajai Bigvai ape disi ejode ore batigai chise 2.067 nanique.

²⁰ Jnani bajai Adín ape disi ejode ore batigai chise 655 nanique.

²¹ Jnani bajai Ezequías ape disi ejoi Atar ape disi ejode ore batigai chise 98 nanique.

²² Jnani bajai Hasum ape disi ejode ore batigai chise 328 nanique.

²³ Jnani bajai Bezai ape disi ejode ore batigai chise 324 nanique.

²⁴ Jnani bajai Harif ape disi ejode ore batigai chise 112 nanique.

²⁵ Jnani bajai Gabaón ape disi ejode ore batigai chise 95 nanique.

²⁶ Ga e yatata arorade uñane ore idai arode íode to, jé aja quisórone ore batigade to, uje ore chajnésarapo dedai arode rĩ. Uje ore idai aroi u Belén, Netófa ore ga quisórone batigai chise 188.

²⁷ Uje ore idai aro uñai i tu Anatot nanique ga quisórone ore batigai chise 128.

²⁸ Uje ore idai aro uñai i tu Bet-azmavet nanique ga quisórone ore batigai chise 42.

²⁹ Uje ore idai aro uñane íode u Quiriat-jearim, Cafíra, Beerot ore nanique ga quisórone ore batigai chise 743.

³⁰ Uje ore idai aro uñane íode u Ramá, Géba ore nanique ga quisórone ore batigai chise 621.

³¹ Uje ore idai aro uñai i tu Micmás nanique ga quisórone ore batigai chise 122.

³² Uje ore idai aro uñane íode u Betel, Hai ore nanique ga quisórone ore batigai chise 123.

³³ Uje ore idai aro uñai i tu Nébo nanique ga quisórone ore batigai chise 52.

³⁴ Jnani bajai Elam uñai ape disi ejode ore batigai chise 1.254.

³⁵ Uje ore idai aro uñai i tu Harim nanique ga quisórone ore batigai chise 320.

³⁶ Uje ore idai aro uñai i tu Jericó nanique ga quisórone ore batigai chise 345.

³⁷ Uje ore idai aro uñane íode u Lod, Hadid, Óno ore nanique ga quisórone ore batigai chise 721.

³⁸ Uje ore idai aro uñai i tu Senaa nanique ga quisórone ore batigai chise 3.930.

³⁹ Jnani bajaguipísi Jedaías gajnepídi tu nanique jeta catecã́ri Dupade ome darasade udore nanique iji Dupade iguíjna cuchábi ajei. Ga uté ujnacari Jesúa jé gajnepídi jé u dayé gajnepídi to nanique iji Dupade iguíjna cuchábi ajei, jé aja Jesúa uté ájnape disi ejode ore to nanique rĩ. Ga ore chisecãru Jesúa uté ájnape disi ejode ore to nanique rĩ ga quisórone batigai chise 973.

⁴⁰ Jnani bajade uñai te rĩ uje i tu Imer, gajnepídi jé upo ore gajnepídi to nanique rĩ iji Dupade iguíjna cuchábi ajei, ga pisecarãte uté ape disi ejode to nanique enga quisórone ore batigai chise 1.052.

⁴¹ Jnani bajade uñai te rĩ uje i tu Pasur gajnepídi jé upo ore gajnepídi to nanique rĩ iji Dupade iguíjna cuchábi ajei, ga pisecarãte uté ape disi ejode to nanique enga quisórone ore batigai chise 1.247.

⁴² Jnani bajade uñai te rĩ uje i tu Harim uté gajnepídi jé upo ore gajnepídi to nanique rĩ iji Dupade iguíjna cuchábi ajei, ga pisecarãte uté ape disi ejode to nanique enga quisórone ore batigai chise 1.017.

⁴³ Yatatagode e u Leví ape disi ejode ore uje ore chajniapója daniri casica rĩ. Leví ape disi ejo uje i tu Hodavías uté ape disi ejode u Jesúa, Cadmiel ore nanique. Ga udore ájnape disi ejo gatéode ore u to nanique uje ore chajníja daniri casica Judá, ga quisórone batigai chise 74.

⁴⁴ Leví ape disi ejo uje i tu Asaf nanique uté u uje chirajapise nanique uje chijñecare aja Dupade iradedie, ga isai jé u nanique jeta chacate deyade gatéode jeta ore chijñecáraja Dupade iradedie iji Dupade iguíjna cuchábi ajei. Ga Asaf uté ájnape disi ejode ore chajniapója daniri to nanique rĩ, ga quisórone ore batigai chise 148.

⁴⁵ Leví ape disi ejode cusapo nanique rĩ uje ore íode u Salum, Ater, Talmón, Acub, Hatíta, Sobai ore, ga ore isai tu nanique uje ore chajire Dupade iguíjna cuchábi piagode yúode, ga jecucha ore cháguena piagode ejode. Jnanione udore ore ájnape disi ejode ore u to nanique uje ore chajníja daniri casica, ga quisórone ore batigai chise 138.

⁴⁶ Leví ape disi ejode cusapo nanique rĩ uje ore isagode jé cãra rome ñane iji Dupade iguíjna cuchábi ajei nanique uje pésu cuchade aja ñane iji uté. Ga ore ájnape disi ejode déji ore ujade to nanique rĩ uje ore chajniapója daniri casica to rĩ. Ga que ore batigárique pijoque to nanique mu ore dáqui gatéode íode u udojo: Zíha, Hasúfa, Tabaot,

⁴⁷ Quéros, Siáha, Padón,

⁴⁸ Lebána, Hagába, Salmai,

⁴⁹ Hanán, Gidel, Gahar,

⁵⁰ Reaía, Rezín, Necóda,

⁵¹ Gazam, Úza, Paseah,

⁵² Besai, Meunim, Nefisesim,

⁵³ Bacbuc, Hacúfa, Harhur,

⁵⁴ Bazlut, Mehída, Hársa,

⁵⁵ Barcos, Sísara, Téma,

⁵⁶ Nezía, Hatífa ore.

⁵⁷ Eduguéjna cuchábi Salomón casicaite uté iroguipísi cásodicáite udore ore ájnape disi ejode chajniápo to nanique rĩ. Ga udore dáqui gatéode uje ore doi Salomón iroquéode nanique ore íode u udojo: Sotai, Soferet, Perúda,

⁵⁸ Jaala, Darcón, Gidel,

⁵⁹ Sefatías, Hatil, Poqueret-hazebaim, Amón ore.

⁶⁰ Ga quisórone udore ore batigai chise 392 nanique, ga udore gajnei tu jeta ore pésu Dupade irógode ore iroquéode iji Dupade iguíjna cuchábi, ga ore dayode jnani bajácho ore doi eduguéjna cuchábi Salomón iroquéode to nanique.

^61-62 Judíode uñane tṍraji dedáyode nanique uje ore idáyode udore íode u udojo: Tel-méla, Tel-hársa, Querub, Adón, Imer ore. Enga jnanione udore ore dáqui gatéode u udojo: Delaía, Tobías, Necóda ore. Mu uje jnanione ore chise ore uje juéga doi ome ore enga ore chucué ore gajnetígo darujna ao eti ore chajire ore dáqui gatéode ore urusãratígo iji ore gari eti déji ore gari. Mu bijname ore nanique. Enga ore chojningame ore nanique: "Que yirajágo eti judío uaque. Que yirajagópo rĩ eti uacojningane jé upúsu uacáquiode ore to. Mu ajínaño yoque bisideque eti apótayo yoque." Ga jé u uje ore nóna ore to nanique ga ore jorane udore ore batigai chise 642.

⁶³ Enga Dupade iroguipísode uñane ore ájnape disi ejode dépoji ore gari to nanique uje ore chajniapója ore idáidatéi Jerusalén nanique rĩ. Ga ore chojninga: "Yocáquiode Dupade iroguipíso ore to nanique uje udore ore íode u udojo: Habaía, Cos, Barzilai ore. Yocojningai tuté Barzilai u uje chisa galaádgosi uro nanique ga acoté dayé i tu Barzilai, ga uté chĩ́care dacoté dai i to taja re nanique."

⁶⁴ Ga eduguéjnane catecã́ri ore nanique ga chojningame ore: "Be enga angome uacáquiode urusãratígo ome yoque ga yajico eti jé ũré ore ájnape uaque enga a beyoi Dupade iroquéode to jne iji yocujade." Mu ore chajnai ore uruode ga ore chojninga: "A bijna nanique ore urusarane arĩa. Mu a yocajnepídi u jne jeta oyo Dupade iróguiji yoque to." Mu judíode ore eduguéjnai chojninga: "A ca yujuéga ome uaque jne ujetiga beyoi Dupade iroquéode iji iguíjna cuchábi jne, uje que purusãratique déji uacari gu.

⁶⁵ Uje Dupade irógode ore gajnepídi u jeta ore tagu Dupade gajnéone cucha, mu a ca pisi ome uaque jne jeta acho to." Mu ore eduguéjnai chojningame ore: "Ayáyope, que pimo gu jeta ũré uaque gu. Enga Dupade irógode uñeque a dobi Dupade iro cásodicáite jnani bajaque ore jmapié cásidicáite ome uaque jne uje ore jmapié uaté i tu Urim-Tumim nanique ga pijoque gosi úringai ũré nanique ome ore isocai udé, ga pijógapo gosi nanique rĩ uje taque gosi."

⁶⁶ Arorade udore uje ore chajniapója daniri casica rĩ ga yátago ore batigai aja ñane jnese ga chise 42.360.

⁶⁷ Uje ore chisecãrápo ore irógode, ore iróguedie gaté rĩ, enga ore batigai chise 7.337. Enga ore chisecãrápo deyade, deyedie ore batigade to rĩ uje ore chijñecáraja Dupade iradedie enga ore batigai chise 245.

^68-69 Ga ore nóna dachidode to uje ore chajníja daniri casica ga ore gachidode batigade u udojo: buricade batigai chise 736, burica quedéjnane batigai chise 245; burica quedéjna uñane uje i tu caméllo ore batigai chise 435; búrrobidie batigai chise 6.720.

⁷⁰ Uje e ore chise danirípisi nanique enga judíode dayode ore chisi ome darasade gueranone ome deduguéjnane ore nanique enga ore chojninga: "Yoqueranone de do jã ujetiga pipesudápo yocangureni Dupa iguíjna cuchábi aja gaté jne rĩ iji dajnorai tuté guidáidatéi Jerusalén uaté." Ga ore eduguéjnapisi gueranenie u óropisedie nanique, ga kílode batigai chise 8. Ga chisiapome deranone uñane ome ore to nanique rĩ, ga jopidode u gueranone uñane ga udore batigai chise 50, jé aja Dupade iroguipísode iguidedie ga ore iguidedie udire batigai chise 530.

⁷¹ Jnanione ore chisi ome deranone cucha ome ore to nanique ga ore doi nanique ga ore chuguhese ore gueranenie óro udire ujetiga ore chiraja kílodie batigárique, ga ikílo batigai chise 160 nanique. Ga ore chuguhésapo ore gueranenie plátai to nanique jeta ore chiraja kílodie iji to, ga ikílo batigai chise 1.210 nanique.

⁷² Enga israélgosode uñane ore chisi ome deranone ome ore to ga ore chuguhese ore gueranenie óro ga ikílo batigai chise 160 nanique. Ga ore chuguhésapo ore gueranenie plátai to nanique ga ikílo batigai chise 1.100. Ore chisiapome Dupade irógode ore iguidedie ome ore to nanique rĩ, ga ore iguidedie udire batigai chise 67.

⁷³ Ga jé u nanique uje Dupade iroguipísode ore chajníja deda arode jnese nanique, jé aja Dupade irógode uñane uje ore chojningame ore levígosode ga ore chajníja deda arode to nanique rĩ. Ga Dupade irógode uñane uje ore isagode cãra ome ñane iji Dupade iroquéode ore chajníja deda arode iji puniri Judá uté ujade. Yojningane u deyade, deyedie ore uje ore chijñecáraja Dupade iradedie, jé aja Dupade iguíjna cuchábi piagode irodisórone ore rĩ, jé aja Dupade iroguipísode iróquegatéode ore to rĩ. Ga jé chopome israélgosode uñane to rĩ uje ore chisite raja deda arode to uje ore chicáji to. Uje chise ore isecaranone guedosío uje chise gare iji ti ga yocurasade ore chimate yocujuyaquei jorídedie aja nanique, ga jé u uje ore chajni aja dedáyode jnese nanique iji Jerusalén ejode.