Génesis 36 - Dupade Uruode

Esaú acotedie, ape disi ejode ore íode u udojo nanique

¹ A qué yatataba Esaú ape disi ejode íode to jne, uje Esaú uté i uñai u Edom nanique.

² Enga Esaú acotedie, cananéagotodie u ore nanique. Acoté uña i tu Áda enga uaté dai i tu Elón enga hitítagose uté. Enga acoté uña i tu Aholibáma, enga uaté dai i tu Aná nanique enga uaté dáqui hevéogose nanique enga i tu Zibeón.

³ Enga acoté uña i tu Basemat. Enga uaté dai i tu Ismael, jé basa uaté dajai cusapo to nanique rĩ enga i tu Nebaiot.

⁴ Enga Esaú abi chojmára iji dacoté Áda gari nanique enga i tu Elifaz; jé basa ga chojmárapo abi tiji Basemat gari to enga abi uté i tu Reuel;

⁵ jé basa ga gadioque abode iji Aholibáma gari to nanique rĩ enga ore íode u udojo: uñai i tu Jeús, jé basa ga uñane ore íode u Jaalam, Coré ore. Enga Esaú abode batigai tu Canaán jnese nanique.

^6-7 Enga jiépisi Esaú, Jacob ore gachidode cucha nanique, enga ore sué jnacarade gáyode nanique. Jecute Esaú jnoji ore uniri uté nanique uje ore gachidode sué dabosode jnacaracho gáyode iji gu. Enga jé u nanique uje acotedie, abode, abidie, irógode ore nóna aja ajesui nanique. Enga jno dagúcha jiéode údi to rĩ, jé aja gachidode ore uje chimánaja re nanique iji ore uniri Canaán.

⁸ Enga ore chicáji ore uniri Seir uje cucarãte orónenie déji uje tuijnane chicáji cucarãte orónenie ujade, ujade.

⁹ A e yatataba Esaú ape disi ejode íode jne uje ore uniri u Seir nanique iji cucarãte orónenie uje tuijnane déji ujade, ujade. Enga ore chĩ́care edomítagosode aja Esaú uté ape disi ejode nanique.

¹⁰ Esaú abode ore íode u udojo nanique: Elifaz u uñai uje uté daté i tu Áda nanique. Jé basa ga Reuel u uñai uje uté daté i tu Basemat nanique.

¹¹ Elifaz abode ore íode u udojo to nanique: Temán, aja Omar, aja Zéfo, aja Gatam, Cenaz ore.

¹² Elifaz acoté uña cuse to nanique rĩ uje déji quedéjnai tome dacotépise, enga uaté i tu Tímna, enga abi cusapo rĩ iji uaté gari to. Enga i tu Amalec. Enga yatatagode udore ore, ore gãrapié tu Áda jnese nanique, Esaú acotedie uña.

¹³ Reuel abode cuse to nanique enga ore íode u udojo to nanique rĩ: Nahat, aja Zéra, aja Sáma, Míza ore. Enga Esaú acoté Basemat u ore gãrapié jnese nanique.

¹⁴ Enga Esaú abode cuse to iji dacotedie uña Aholibáma gari to nanique rĩ, enga ore íode u udojo nanique: Jeús, Jaalam, Coré ore. Udore ore daté Aholibáma u Aná uro nanique, enga Zibeón ájname u to nanique.

¹⁵ Enga eduguéjnapise Esaú ape disi ejode uñane to nanique, enga e qué yatataba udore íode jne rĩ ome uaque. Esaú ape bajai Elifaz ape disi ejode ore cho deduguéjnane iji Temán nanique, jé aja Omar, Zéfo, Cenaz ore,

¹⁶ jé aja Coré, Gatam, Amalec ore to rĩ. Elifaz ape disi ejo eduguéjnane udore ore uniri u Edom nanique, enga ore gãrapié tu Esaú acoté Áda jnese nanique.

¹⁷ Esaú ujnacari Reuel ape disi ejode ore cho deduguéjnane iji Nahat, Zéra, Sáma, Míza ore to nanique rĩ. Enga Reuel ape disi ejo eduguéjnane udore ore uniri tu Edom to nanique, enga Esaú acoté Basemat u ore gãrapié jnese nanique.

¹⁸ Enga Esaú acoté Aholibáma uaté u uje uaté dai i tu Aná, enga uaté ape disi ejode ore cho deduguéjnane iji Jeús, Jaalam, Coré, ore nanique.

¹⁹ Enga jnani bajai Esaú i uñai cusapo nanique rĩ. Enga Edom u nanique. Enga uté ape disi ejode u yatatagode eduguéjna udojo. Enga ore urasade chopise deduguéjnai iji ore iji ore unirone jnese uje cãra rome ñane nanique.

²⁰ Horéogosi Seir ujnacarode cuse to nanique enga ore uniri jé u Esaú ore uniri to nanique. Enga uté ujnacarode íode u udojo nanique: Lotán u uñai, jé basa ga Sobal u uñai, jé basa ga Zibeón, Aná u uñane to.

²¹ Jé basa ga ujnacarode uñane ore íode u Disón, Ezer, Disán ore. Enga horéogosode ore eduguéjnane u yatatagode udojo jnanío ore jnese, enga udore urasade ore gãrapi u jnani bajai Seir jnese uje uté uniri u Edom nanique.

²² Lotán uté ujnacarode ore íode u Hóri, Hemán ore jnese nanique. Enga Lotán nero cuse to nanique enga uaté i tu Tímna nanique.

²³ Sobal ujnacarode cuse to nanique enga ore íode u udojo nanique: Alván u uñai, Manahat u uñai, Ebal u uñai, Séfo, Onam u uñane rĩ.

²⁴ Zibeón ujnacarode gare enga uñai i tu Ája, jé basa ga uñai i tu Aná. Aná uté u uje chise sibíjnarique nanique iji erãpe eyutiguei uje qué chirote dayé Zibeón gachidode burica quedéjna iji uté nanique.

²⁵ Aná abode gare nanique ga diyoqui i tu Disón, jé basa diyequé i tu Aholibáma nanique.

²⁶ Disón ujnacarode cuse to nanique, enga ore íode u udojo: Hemdán, Esbán, Itrán, Querán ore.

²⁷ Ezer ujnacarode cuse to nanique enga ore íode u udojo: Bilhán, aja Zaaván, Acán ore.

²⁸ Disán ujnacarode cuse to nanique enga ore íode u Uz, Arán ore nanique.

^29-30 Horéogosode ore cho deduguéjnane iji darasade uñane nanique iji ore uniri Seir, enga ore eduguéjnane udore ore íode u udojo nanique: uñai i tu Lotán, jé basa ga uñai i tu Sobal, jé basa ga uñai i tu Zibeón, jé basa ga uñai i tu Aná, jé basa ga uñane ore íode u udojo: Disón, Ezer, Disán ore.

³¹ Uje cáma israélgosode ore eduguéjnapísirigo cuse nanique, mu edómgosode e ore eduguéjnane cuse bajaque nanique ome ore.

³² Beor ujnacari Béla u edómgosode eduguéjna bajai nanique enga uté idai u Dinába nanique.

³³ Mu uje Béla uté toi nanique, enga Zéra ujnacari Jobab basája jogadi nanique enga edómgosode ore chopo deduguéjnai iji gaté nanique rĩ. Enga Jobab uté idai u Bósra nanique.

³⁴ Mu Jobab topoi nanique rĩ, enga edómgosode e ore cho deduguéjnai iji Husam uje uté uniri u Temán nanique.

³⁵ Mu Husam toi enga Bedad ujnacari Hadad basája jogadi to nanique. Enga ore chopo deduguéjnai iji uté gaté nanique rĩ. Eduguéjnai Hadad uté u nanique uje ijnimique pocaningai ome madiángosode ore nanique iji garáijnai nanique uje i tu Moab nanique. Enga uté idai u Avit nanique.

³⁶ Mu Hadad topoi to nanique rĩ enga masrécagosi Sámla basája jogadi, enga ore chopo deduguéjnai iji uté gaté nanique rĩ.

³⁷ Mu Sámla topoi to nanique rĩ enga rehobótgosi Saúl basája jogadi to nanique. Enga ore chopo deduguéjnai iji uté gaté nanique rĩ, enga eduguéjnai Saúl uté idai u Rehobot tuté uje déji tié edógai nanique.

³⁸ Mu Saúl topoi to nanique rĩ enga Acbor ujnacari Baal-hanán basája jogadi enga ore chopo deduguéjnai iji uté gaté nanique rĩ.

³⁹ Mu Baal-hanán topoi to nanique rĩ enga paúgosi Hadad uñai basája jogadi, enga ore chopo deduguéjnai iji uté gaté nanique rĩ. Hadad uñai uté acoté i tu Mehetabel enga Matred uro u uaté, jé basa ga uaté dáquide i tu Mezaab nanique.

^40-43 Esaú uje i uñai u Edom nanique uté ape disi ejode uáguedie chejna yijmanáyone nanique, enga ore unirone íode cuse to nanique enga u udojo: Tímna, Álva, Jetet, Aholibáma, Éla, Pinón, Cenaz, Temán, Mibzar, Magdiel, Iram ore. Enga ore cho danirone íode iji dãrapi i nanique, jé basa ga jé ore cho danuchúji daniri i to nanique.