Génesis 10 - Dupade Uruode

Noé, ujnacarode ore ape disi ejode íode u udojo uje ore basíji gue dequejnangóri quigade nanique

¹ A qué yatatapo Noé ujnacarode Sem, Cam, Jafet ore ape disi ejode ome uaque jne rĩ. Ga cucoi quigade u nanique enga Noé ujnacarode abode quene base to iji cucoi quigade.

² Noé ujnacari Jafet abode íode u udojo: uñai i tu Gómer, jé basa uñai i tu Magog, uñai i tupo Madai rĩ, uñai i tupo Javán rĩ, uñai i tupo Túbal rĩ, uñai i tupo Mésec rĩ, enga ejoi i tu Tíras nanique.

³ Enga Jafet ujnacari Gómer abode ore íode u udojo: Askénaz, Rífat, Togárma ore.

⁴ Enga Jafet ujnacari Javán abode ore íode u udojo to rĩ: Elísa, Társis, Quítim, Rodánim ore.

⁵ Enga Jafet ape disi ejode udore ore jnese ore íjnongaja yote quedéjnai yui nanique. Enga jiépisi ore nanique enga ore cãra danirone ome ñane nanique, enga ore uruode cãra rome ñane to nanique.

⁶ Enga Noé ujnacari Cam abode ore íode u udojo nanique: Cus, Mízraim, Fut, Canaán u ore nanique.

⁷ Jé basa Cus abode ore íode u udojo to nanique: Séba, aja Havíla, aja Sábta, aja Ráama, Sabtéca ore. Jé basa Ráama abode ore íode u udojo to nanique: Séba, Dedán u ore nanique.

⁸ Jé basa jnani bajai Nímrod dai jé u Cus to nanique. Enga bajai u Nímrod uté nanique uje eduguéjna uje jé chose punire quedéjnane nanique gu uje pésu pocaningane iji punirone udojo enga sué punire quedéjnane ore unirisórone ore gáyode nanique.

⁹ Que gusu udore nanique mu Pangarádejnai Dupade pésu Nímrod uté nanique ujetiga chirajapise cuchisode to uje chujé ore. Jecute uté ujode ayoré ore chojningame dabode, dajorane ore: "Yipésupú ga Pangarádejnai Dupade ajéo enga o Nímrod uté enga arajapise cuchisode to jetiga ajé uñéngo to."

¹⁰ Enga jé u uje eduguéjnai jnani bajai Nímrod uté pésu ga querújna uniri nanique enga i u Sinar uté uniri. Enga ore idáidatérigo déji puniri tuté gatócorodie nanique enga uñai i tu Babel, jé basa ore idáyode uñai i tu Érec, jé basa uñai i tupo Acad rĩ, jé basa uñai i tupo Calne nanique rĩ.

¹¹ Mu jnanírique déji ore uniri uté to nanique uje i u Ásur nanique enga uté jnoji daniri nanique enga pésu ore idáidatérigo to nanique iji punire quedéjnarique nanique. Enga uté ipesudode guidáidatéo ore íode u udojo: uñai i tu Nínive. Jé basa uñai i tupo Rehobot-Ir rĩ, jé basa uñai i tupo Cála nanique rĩ.

¹² Mu uté ipesudi guidáidaté uñai cusapo rĩ uje sué ipesute uñane gáyode ga uté déji Cála, Nínive ore ujai nanique. Enga idáidatéi uté i tu Resén nanique.

¹³ Enga Cam ujnacari Mízraim abode, ore ape disi ejode ore chisite rágaja erámi to nanique ga ore pésu dáguedie jnese iji erámone. Enga ore uáguedie íode u Mízraim abode oríode. Enga Mízraim abode ore íode u udojo: Lúdim u uñai, ga Anámim u uñai, ga Lehábim u uñai, ga Naftúhim u uñai.

¹⁴ Ga Patrúsim u uñai, ga Casluhim u uñai enga ore chĩ́care filistéode aja uté ape disi ejode ore uague nanique. Jé uñai i u Caftórim nanique.

¹⁵ Enga Cam ujnacari Canaán ape bajai u Sidón nanique enga ejoi i u Het nanique rĩ.

^16-18 Enga purása quedéjnane uñane ore cho dãrapi iji jnani bajai Canaán uté to nanique: ga jebuséogosode ore cho dãrapi iji uté, jé aja amorréogosode ore rĩ, jé aja gergeséogosode, jé aja hevéogosode, jé aja aracéogosode, jé aja sinéogosode, jé aja arvadéogosode, jé aja zemaréogosode, jé aja hamatéogosode ore jnese rĩ. Enga Canaán ape disi ejode udore ore u nanique uje ore chisite rágaja erámi údode jnese nanique.

¹⁹ Uje ore cháta danirone aja ñane enga querújnapise ore uniri nanique. Enga ore uniri uté déji ore idáidatéi Sidón údi nanique uje Sidón uté déji filistéogosode ore idáidatéi Gerar tiógarei. Enga ore uniri jno ga chicáji ore idai uñai uje i tu Gáza ga chisápo údi to. Enga jnopo rĩ ga chisápo ore idáyode uñane rĩ enga idógosipísiji ejoi enga idáidatéode udore ore íode u Sodóma, Gomórra, Ádma, Zebóim, jé aja ore idai uñai te rĩ uje i tu Lása.

²⁰ Yujúdode udojo ore gãrapi u Noé ujnacari Cam jnese nanique. Enga udore ore cãra dajogadode ome ñane jnese nanique enga ore uruode cãra rome ñane to nanique rĩ.

²¹ Noé ujnacari Jafet uyai u Sem nanique. Enga Sem uté abode cuse to nanique. Enga hebréogosode ore gãrapi u uté to nanique.

²² Enga Sem uté abode ore íode u udojo: Élam, Asur, Arfaxad, Lud, Áram ore.

²³ Enga Sem ujnacari Áram abode ore íode u udojo to rĩ: Uz, Hul, Geter, Mas ore.

²⁴ Enga Sem ujnacari Arfaxad ujnacari cuse to nanique enga i u Sála, jé basa Sála ujnacari cusapo nanique rĩ enga i tu Heber.

²⁵ Enga Heber ujnacarode gare nanique enga uñai i u Peleg. Enga Peleg uté i gajnui tu nanique jeta ore chejñúnguiji ñane nanique. Chamáñaje dirode udojo u nanique gu uje ore chajuque daniri tiji gatócoro nanique. Jé basa Heber ujnacari uñai i u Joctán nanique.

^26-29 Enga Joctán uté abode ore íode u udojo to nanique: Almodad, Sélef, Hazar-mavet, Jéra, Adóram, Úzal, Dícla, Óbal, Abímael, Séba, Ofir, Havíla, Jobab ore. Enga Joctán ape disi ejode unirone jiei to enga uje ore cháta danirone aja ñane enga querújna.

³⁰ Mu ore unirone udore déji ore uniri Mésa údi ga jno ga chisápo cucaranone iji guedé garani yui uje cucaranone udore déji ore uniri Séfar nanique.

³¹ Enga punirone udore jogosórone ore cho dãrapi iji Noé ujnacari Sem jnese nanique. Enga udore ore unirone cãra rome ñane, enga jé chopome ore uruode rĩ, cãra rome ñane to.

³² Enga yujúdode udore ore jnese ore gãrapi tupúsu jnani bajai Noé nanique. Mu udore ore chisite rágaja erámi nanique iji gue dequejnangóri quigade enga ore pésu danirone iji erámi údode jnese uje cãra rome ñane. Enga jé u nanique uje erámi unirisórone yingarángo yocunirone ome ñane jnese.