Ésdras 2 - Dupade Uruode

Patatagode udojo u arorade uje ore chajniapója deda arode iji daniri Judá uté

^1-2 Enga yatatagode e u israélgose arorade uje ore chajniapója deda arode rĩ. Yojningane udore ore u uje ore batigade u daniri nanique uje i tu Judá. Mu eduguéjna cuchábi casica Nabucodonosor chijnime ore nanique iji daniri ga jno ore údi aja daniri Babilónia nanique. Uje pujuegate ome ore jeta ore chajniapója daniri uté nanique rĩ enga uñane chicáji Jerusalén, jé basa ga uñane ore chicáji pidáyode uñane. Arorade udore ore eduguéjnane íode u udojo: Zorobabel u uñai, Jesúa upo uñai rĩ; Nehemías upo uñai rĩ; Seraías upo uñai rĩ; Reelaías upo uñai rĩ; Mardoquéo u uñai rĩ; Bilsán jé upo uñai te rĩ; Mispar upo uñai rĩ; Bigvai upo uñai rĩ; Rehum upo uñai rĩ; jé aja Baana to nanique rĩ.

³ Arorade ore gãrapíode jnani bajácho ore íode u udojo uje ore chajniapója daniri Judá nanique rĩ: Jnani bajai Paros ape disi ejode ore batigai chise 2.172 nanique.

⁴ Jnani bajai Sefatías ape disi ejode ore batigai chise 372 nanique.

⁵ Jnani bajai Ara ape disi ejode ore batigai chise 775 nanique.

⁶ Jnani bajade Jesúa, Joab ore ájnape disi ejode ore batigai chise 2.812. Ga ore chĩ́care Pahat-moab aja Jesúa, Joab ore nanique.

⁷ Jnani bajai Elam ape disi ejode ore batigai chise 1.254 nanique.

⁸ Jnani bajai Zátu ape disi ejode ore batigai chise 945 nanique.

⁹ Jnani bajai Zacai ape disi ejode ore batigai chise 760 nanique.

¹⁰ Jnani bajai Bani ape disi ejode ore batigai chise 642 nanique.

¹¹ Jnani bajai Bebai ape disi ejode ore batigai chise 623 nanique.

¹² Jnani bajai Azgad ape disi ejode ore batigai chise 1.222 nanique.

¹³ Jnani bajai Adonicam ape disi ejode ore batigai chise 666 nanique.

¹⁴ Jnani bajai Bigvai ape disi ejode ore batigai chise 2.056 nanique.

¹⁵ Jnani bajai Adín ape disi ejode ore batigai chise 454 nanique.

¹⁶ Jnani bajai Ater uje i uñai u Ezequías nanique uté ape disi ejode ore batigai chise 98.

¹⁷ Jnani bajai Bezai ape disi ejode ore batigai chise 323 nanique.

¹⁸ Jnani bajai Jora ape disi ejode ore batigai chise 112 nanique.

¹⁹ Jnani bajai Hasum ape disi ejode ore batigai chise 223 nanique.

²⁰ Jnani bajai Gibar ape disi ejode ore batigai chise 95 nanique.

²¹ Ga e yatata arorade uñane ore idai arode íode to, jé aja quisórone ore batigade to, uje ore chajnésarapo dedai arode rĩ: Uje ore idai aroi u Belén ga quisórone batigai chise 123.

²² Uje ore idai aro uñai i tu Netófa nanique ga quisórone ore batigai chise 56.

²³ Uje ore idai aro uñai i tu Anatot nanique ga quisórone ore batigai chise 128.

²⁴ Uje ore idai aro uñai i tu Azmavet nanique ga quisórone ore batigai chise 42.

²⁵ Ore chátaja ore idai aro gadiógode aja ñane ga ore íode u unojo: Quiriat-jearim, Cafíra, Beerot, enga udojo quisórone ore batigai chise 743.

²⁶ Ore chátaja ore idai aro gárode aja ñane ga ore íode u unojo: Ramá, Géba, enga udojo quisórone ore batigai chise 621.

²⁷ Uje ore idai aro uñai i tu Micmás nanique ga quisórone ore batigai chise 122.

²⁸ Ore chátaja ore idai aro gárode aja ñane ga ore íode u unojo: Betel, Hai ore, enga udojo quisórone ore batigai chise 223.

²⁹ Uje ore idai aro uñai i tu Nébo nanique ga quisórone ore batigai chise 52.

³⁰ Uje ore idai aro uñai i tu Magbís nanique ga quisórone ore batigai chise 156.

³¹ Uje ore idai aro uñai i tu Elam nanique ga quisórone ore batigai chise 1.254.

³² Uje ore idai aro uñai i tu Harim nanique ga quisórone ore batigai chise 320.

³³ Ore chátaja ore idai aro gadiógode aja ñane ga ore íode u unojo: Lod, Hadid, Óno ore, enga udojo quisórone ore batigai chise 725.

³⁴ Uje ore idai aro uñai i tu Jericó nanique ga quisórone ore batigai chise 345.

³⁵ Uje ore idai aro uñai i tu Senaa nanique ga quisórone ore batigai chise 3.630.

³⁶ Dupade irógode ore batigade u udojo to nanique uje aroraque ore nanique: jnani bajade uje ore íode u Jedaías, Jesúa ore nanique, udore ore ape disi ejode ore batigai chise 973 ga aroraque ore to nanique.

³⁷ Jnani bajai Imer ape disi ejode ore batigai chise 1.052.

³⁸ Jnani bajai Pasur ape disi ejode ore batigai chise 1.247.

³⁹ Jnani bajai Harim ape disi ejode ore batigai chise 1.017.

⁴⁰ Levígosode ore chajniapója daniri casica rĩ ga udore ore batigade u udojo nanique: jnani bajai Hodavías ujnacarode uje ore íode u Jesúa, Cadmiel ore nanique, udore ore ape disi ejode ore déji arorade ujade to nanique, ga quisórone batigai chise 74.

⁴¹ Jnani bajai Asaf ape disi ejode uje ore chijñecare aja Dupade iradedie ga ore chajniapója daniri to nanique rĩ, ga quisórone ore batigai chise 128.

⁴² Jnani bajade uñane uje udore ore íode u Salum, Ater, Talmón, Acub, Hatíta, Sobai ore, enga ore ájnape disi ejode ore u to nanique uje ore chajníja daniri casica, ga quisórone ore batigai chise 139. Ga ore isai tu nanique uje ore chajire Dupade iguíjna cuchábi piagode yúode, ga jecucha ore cháguena piagode ejode.

⁴³ Arorade uñane uje ore isai jé u dáqui gatéode ore isai to uje ore pésu cuchade aja ñane iji Dupade iguíjna cuchábi ajei, udore ore dáqui gatéode íode u udojo nanique: Zíha, Hasúfa, Tabaot,

⁴⁴ Quéros, Siáha, Padón,

⁴⁵ Lebána, Hagába, Acub,

⁴⁶ Hagab, Sálmai, Hanán,

⁴⁷ Gidel, Gahar, Reaía,

⁴⁸ Rezín, Necóda, Gazam,

⁴⁹ Úza, Paseah, Besai,

⁵⁰ Aséna, Meunim, Nefusim,

⁵¹ Bacbuc, Hacúfa, Harhur,

⁵² Bazlut, Mehída, Hársa,

⁵³ Bárcos, Sísara, Téma,

⁵⁴ Nezía, Hatífa ore.

⁵⁵ Eduguéjna cuchábi Salomón casicaite uté iroguipísi cásodicáite udore ore ájnape disi ejode chajniápo to nanique rĩ, ga ore íode u unojo: Sotai, Soferet, Perúda,

⁵⁶ Jaala, Darcón, Gidel,

⁵⁷ Sefatías, Hatil, Poqueret-hazebaim, Amón ore.

⁵⁸ Uje yáta ore aja ñane ga quisórone ore batigai chise 392. Ga udore dáqui gatéode u uje ore doi Salomón iroquéode nanique.

^59-60 Judíode uñane tṍraji dedáyode iji ore uniri Pérsia nanique jeta ore chajniapója danirípisi rĩ ga ore batigai chise 652. Ga ore idáyode udore íode u udojo: Tel-méla, Tel-hársa, Querub, Adón, Ímer ore. Enga jnanione udore ore dáqui gatéode ore íode u udojo: Delaía, Tobías, Necóda ore. Israélgose jnanione udore jnese mu bijna ore dáqui gatéode ore urusarane nanique, ga que toc jeta pajirique darujna aode udore ga ore úringáringo israélgose pijóguiji.

⁶¹ Dupade iroguipíso jnani bajade Habaía, Cos, Barzilai ore nanique, ga udore ore ájnape disi ejode dépoji arorade ore gari to nanique rĩ uje ore chajniapója dedáidatéi Jerusalén nanique rĩ. Jnani bajai Barzilai uté u uje chisa galaádgosi uro nanique ga acoté dayé i tu Barzilai, ga uté chĩ́care dacoté dai i to taja re nanique.

⁶² Uje jnanione udore chucué déode iji dáquiode urusarane mu que ore chise déode iji darujna aode udore. Jecute que toc ujetiga pangurete ore ome dáringáringo Dupade irócho, ga que pujuegate ome ore jeta ore doi Dupade iroquéode iji iguíjna cuchábi nanique.

⁶³ Dupade irógode ore gajnepídi u jeta ore tagu Dupade gajnéone cucha, mu ore eduguéjnai chojningame jnanione udore: "Ayáyope, que pimo gu jeta ũré uaque gu. Enga Dupade irógode uñeque a dobi Dupade iro cásodicáite jnani bajaque ore jmapié cásidicáite ome uaque jne uje ore jmapié uaté i tu Urim-Tumim nanique uje ore tṍraja cucaranenie aja jnumi nanique ga pijoque gosi úringai ũré nanique ome ore isocai udé, ga pijógapo gosi nanique rĩ uje taque gosi."

⁶⁴ Arorade udore uje ore chajniapója daniri casica rĩ ga yátago ore batigai aja ñane jnese ga chise 42.360.

⁶⁵ Uje ore chisecãrápo ore irógode, ore iróguedie gaté rĩ, enga ore batigai chise 7.337. Enga ore chisecãrápo deyade, deyedie ore batigade to rĩ uje ore chijñecáraja Dupade iradedie enga ore batigai chise 200.

^66-67 Ga ore nóna dachidode to uje ore chajníja daniri casica ga ore gachidode batigade u udojo: buricade batigai chise 736, burica quedéjnane batigai chise 245; burica quedéjna uñane uje i tu caméllo ore batigai chise 435; búrrobidie batigai chise 6.720.

⁶⁸ Uje e ore chise danirípisi Judá uté, enga ore chicáji Pangarádejnai iguíjnai jogate bajai iji dedáidatéi Jerusalén uté. Enga judíode dayode uñane ore chisi ome darasade gueranone ome deduguéjnane ore nanique enga ore chojninga: "Yoqueranone de do jã ujetiga pipesudápo Pangarádejnai Dupade iguíjna cuchábi aja gaté jne rĩ iji jogate bajai udé."

⁶⁹ Ujetiga ugúcharã́que gosi enga gueranone jiépisi nanique. Mu ujetiga jmataque gosi ga gueranone garósi, mu ore gueranone cuse jnese. Ga ore doi nanique ga ore chuguhese ore gueranenie óro udire ujetiga ore chiraja kílodie batigárique, ga ikílo batigai chise 488 nanique. Ga ore chuguhésapo ore gueranenie plátai to nanique rĩ jeta ore chiraja kílodie iji to, ga ikílo batigai chise 2.750 nanique. Ore chisecãrápo Dupade iroguipísode iguidedie nanique rĩ uje ore úringane Dupade iroque pijógome udire enga batigai chise 100.

⁷⁰ Enga jnanione udore uje ore dáquiode ore isai tu Dupade iroquéode iji iguíjna cuchábi ajei enga ore chácariji ore idai Jerusalén uté nanique, ga ore cho dedáji uté to nanique. Ga yojningane u udore ore uje ore chojningame ore nanique: sacerdóteode, levígosode ore. Ga quisórone uñane ore chácariji Jerusalén uté to nanique ga ore cho dedáji to nanique rĩ. Mu Dupade irógode uñane uje ore isagode cãra ome ñane iji Dupade iroquéode ore chajníja deda arode iji puniri Judá uté ujade. Yojningane u deyade, deyedie ore uje ore chijñecáraja Dupade iradedie, jé aja Dupade iguíjna cuchábi piagode irodisórone ore rĩ. Ga jé chopome israélgosode uñane to rĩ uje ore chisite raja deda arode to uje ore chicáji to.