Yesaia 12 - KYERƐW KRONKRON

Nkwagye so aseda dwom

¹ Ɛda no na wobɛka sɛ: Mɛda wo ase, O AWURADE, sɛ, wo bo fuw me mpo a, w’abufuw no asan, na woakyekye me werɛ.

² Hwɛ, me nkwagye Nyankopɔn ni. Metweri no, na minsuro, na m’ahoɔden ne me dwom ne AWURADE Nyankopɔn ne m'ahoɔdenne me dwom, na wabɛyɛ me nkwagye.

³ Na mode anika bɛsaw nsu afi nkwagye asubura no mu.

⁴ Na da no mobɛka sɛ: Monkamfo AWURADE, mommɔ ne din. Momma wonhu ne nneyɛe, aman mu. Monka sɛ wɔama ne din so!

⁵ Monto dwom mma AWURADE, na wayɛ ade akɛse; momma wonhu eyi asase nyinaa so.

⁶ Sion babea, huro na di ahurusi, na Israel kronkronni a ɔwɔ wo mu no so.