Sakaria 4 - KYERƐW KRONKRON

Kaneadua ho oyikyerɛ

¹ Na ɔbɔfo a ɔne me kasae no san bae, benyan me sɛ onipa a wonyan no fi ne nna mu,

² na obisaa me sɛ: Dɛn na wuhu yi? Na mise: Mihu, ɔkaneadua a ne nyinaa yɛ sika, na ngo toa taa atifi, na n’akanea ason wowɔ so na adorobɛn ason ason wɔ hɔ ma atifi akanea no.

³ Na ngo nnua abien sisi hɔ, biako si ngo toa no nifa, na biako si ne benkum so.

⁴ Na mibuaa ɔbɔfo a ɔne me kasae no sɛ: Ɛdɛn ne eyinom, me wura?

⁵ Na ɔbɔfo no gyee so bisaa me sɛ: So wunnim dekode a eyinom yɛ? Na mise: Dabi, me wura.

⁶ Na obuaa see me sɛ: Eyi ne Awurade asɛm a ɛbaa Serubabel nkyɛn no sɛ: Ɛnyɛ wo tumi so, na ɛnyɛ w’ahoɔden so, na mmom me honhom so, asafo Awurade na ose.

⁷ Hena ne wo, bepɔw kɛse wobɛdan asasetaw Serubabel anim? Na ɔde atifi bo no befi adi aba, na wɔabobɔ so ose sɛ: Ɔdom, ɔdom mmra so.

⁸ Na Awurade asɛm baa me nkyɛn sɛ:

⁹ Serubabel nsa na ahyɛ ofi yi ase, na ne nsa ara na ebewie, na woahu sɛ asafo Awurade na asoma me mo nkyɛn.

¹⁰ Na kan no obi buu adwuma yi mfiase animtiaa mpo a wɔn ani begye bere a wobehu kyerebennyɛ bo no Serubabel nsam, Kanea ason a wohui no ne Awurade aniwa a edi akɔneaba asase nyinaa so no.

¹¹ Na mibisaa no sɛ: Dɛn ne kaneadua no nifa ne ne benkum ngo nnua abien yi?

¹² Na mibisaa ne mprenu so sɛ: Dɛn ne ngo nnua no abaa abien a ɛwowɔ sika ano abien a ehwie sika no ma efi mu gu no ho yi?

¹³ Na obuaa me sɛ: So wunnim nea eyinom yɛ? Na mise: Daabi, me wura.

¹⁴ Na ose: Eyinom ne nnipa baanu a wasra wɔn ngo na wogyinagyina asase nyinaa wura nkyɛn no.