Nnwom 96 - KYERƐW KRONKRON

Asase nyinaa wura no ayeyi

¹ Monto dwom foforo mma AWURADE, asase nyinaa, monto dwom mma AWURADE.

² Monto dwom mma AWURADE, munhyira ne din, monka ne nkwagye da biara da.

³ Monka n’anuonyam, amanaman mu, n’anwonwade, aman nyinaa mu.

⁴ Na AWURADE yɛ kɛse, na ɔsɛ ayeyi sɛ, ne ho yɛ hu, anyame nyinaa so,

⁵ na aman anyame nyinaa yɛ abosonhuhuw, na AWURADE mmom na ɔyɛɛ ɔsoro.

⁶ Ɔharan ne anuonyam wɔ n’anim, tumi ne ahoɔfɛ wɔ ne kronkronbea hɔ.

⁷ Aman mmusuakuw, momfa mma AWURADE momfa anuonyam ne tumi mma AWURADE.

⁸ Momfa AWURADE din anuonyam mma no, monsoa ayɛyɛde mmra n’abangua so.

⁹ Monsɔre AWURADE, ahokeka kronkron mu, asase nyinaa, mo ho mpopo n’anim.

¹⁰ Monka amanaman mu sɛ, AWURADE di hene, na wiase tim hɔ a ɛrenhim, na obedi aman so, trenee mu.

¹¹ Ma Ɔsoro ani nnye na asase ho asan no, Ma ɛpo ne ne mayɛ nworo.

¹² Ma Petee mu ne nea ɛwom nyinaa nni ahurusi, ɛno na kwae mu nnua nyinaa bɛto ahosan nnwom,

¹³ Wɔ AWURADE anim, na ɔreba, na ɔreba abebu asase atɛn. Ɔrebebu wiase atɛn trenee mu, ne amanaman, ne nokware mu.