Nnwom 70 - KYERƐW KRONKRON

Nkwagye ho adesrɛ

Wɔde dwonkyerɛfo. Dawid de. Wɔde bɔ nkae

¹ Onyankopɔn, begye me, AWURADE, yɛ ntɛm bɛboa me.

² Ma wɔn a wɔhwehwɛ me kra ani nwu, na wɔn anim ngu ase, ma wɔn a wɔpɛ me bɔne nsan wɔn akyi na wɔnnan ahohorafo.

³ Wɔn a wose, “Wiɛ, wiɛ” no, ma wɔmfa aniwu nsan wɔn akyi.

⁴ Ma wɔn a wɔhwehwɛ wo nyinaa nni ahurusi, na wɔn ani nnye wo ho, na ma wɔn a wɔdɔ wo nkwagye no nka daa sɛ: Ma wɔnkamfo AWURADE kɛseyɛ.

⁵ Na me de, meyɛ mmɔbɔ, na meyɛ ohiani. Onyankopɔn, yɛ ntɛm ma me. Wone me boafo ne me gyefo, AWURADE, ntwentwɛn wo nan ase.